Eklezyas 7:21-25

²¹Pa koute tou sa moun ap di. Konsa ou p'ap tande lè domestik ou ap pale ou mal.

²²Paske ou menm tou, nan kè ou, ou konnen konbe fwa ou pale moun mal.

²³Mwen sèvi avèk bon konprann mwen pou m' fè tout esperyans sa yo nan lavi. Mwen di mwen ta renmen gen bon konprann. Men, mwen pa t' janm rive genyen l'.

²⁴Lavi se yon mistè. Li tankou yon twou san fon. Ki moun ki ka rive konprann li?

²⁵Men, mwen pran san m' pou m' chache konnen, pou m' egzaminen tout bagay. Mwen te soti pou m' te konprann, pou m' te jwenn repons pou tout keksyon mwen t'ap poze tèt mwen, pou m' te rive konnen jan moun mechan yo pèdi tèt yo, jan moun sòt yo egare.