Eklesiastes 8:11-17

¹¹Mangfan ni girdi’ e kaygi par ni be ngongliy e kireb? Bochan e kireb e danir gechignag ni aram feni papay.

¹²Be’ nib kireb e rayag ni nge rin’ e oloboch ni ra’ay yay ma ku be par nib fos. Ahh rriyul, gu manang ko mang e yad be yog: “Fa’anra um fol rok Got, ma urngin ban’en mra par ni bfel’ rogon,

¹³machane pi’in kireb e dariy ban’en nra fel’ u puluwrad. Yafos rorad e bod fon ban’en ma yad ra yim’ ni kayad ba pagel, ni bochan e darir folgad rok Got.”

¹⁴Machane go’ dariyfan e tiney. Mu changar ko tin e yi be rin’ u fayleng: Yungiyal’ ma pi’in nib mat’aw e be aw e gechig rok e pi’in kireb ngorad, ma pi’in kireb e yad ma fek e tow’ath rok e pi’in nib mat’aw. Gu be ga’ar ba m’ayfan.

¹⁵Ere ku gu t’ar u wun’ug nra be’ ma ngi i rin’ e tin ba’adag’, ya kemus ni felfelan’ rok be’ u lan e yafos rok, e abich nge garbad nge lanyan’ ni ngi i par ni bfel’. Rayag ni ngad rin’ed e pin’ey u fithik’ e maruwel ni gadad be rin’ nike pi’ Got ngodad u roy u fayleng.

¹⁶Ngiyal’ ni gu ma guy rogon ni nge man’og e gonop rog ya nggu fil nggu nang e n’en ni yibe rin’ u fayleng, mu gu wan gu nang ni ga ra od nnep’ nge rran

¹⁷ma ku dabi chigur ni ngam nangfan ko mang e be rin’ Got. Demturug feni almarin ni ga ra guy rogon ni ngam nang ma ridab mu nang. Pi’in yad ba gonop e bay ra ga’argad a yad manang, machane der nanged.