ECCLESIASTES 3:17-20

¹⁷et dixi in corde meo: Justum et impium judicabit Deus, et tempus omnis rei tunc erit.

¹⁸Dixi in corde meo de filiis hominum, ut probaret eos Deus, et ostenderet similes esse bestiis.

¹⁹Idcirco unus interitus est hominis et jumentorum, et æqua utriusque conditio. Sicut moritur homo, sic et illa moriuntur. Similiter spirant omnia, et nihil habet homo jumento amplius: cuncta subjacent vanitati,

²⁰et omnia pergunt ad unum locum. De terra facta sunt, et in terram pariter revertuntur.