E Yoanes 7:43-48

⁴³Gi enang tok, o mia ngta mommenik va kmo kokheng ngar mruo mang e Yesus.

⁴⁴Akuruk ngata svil kam kleng singni mnam, vanangko nong tang mnam mar tngam kalo ktiek mang e.

⁴⁵To o pris ruk endruk ngma toot mang E Nut ka maksien, ngat kat kaeknik ngok kim o Parisiau kar o pris ruk laol, endruk ngta ktar meng ngar kam ngae ka kpom e Yesus. To o Parisiau ngta mnganang ngar te, “Kman ko mut lua kpom kngorom ngte?”

⁴⁶Va ngta kle gia re te, “Nong a mhel tang tngae vu smia rere enang a mhel ta gi.”

⁴⁷Va ngalmialaol ngta re lsinvi kam mnganang ngar te, “He, tmas ormuk kat,

⁴⁸enang ko ta mas orom a mumu to orom o takpun ruk ngat lua mnor mang mor o Yuda nguaro pos? Hai-e, E Nut ka ngaesik ta vle kuon mang ngar he! Mu havaeng ngor na, mut sim mnor mang kaela ngang ngor ruk o Yuda ngor ke murgun to nma vongnek kim o rhek, i o kaela ngang ngor ruk o Parisiau ko ta kor mnam en mang a mhel to endo he kmokpom kar? Ho mi kut nop hak!”