43Ha tikmũ'ũn hãmpe'paxex'ax yãy pot.
44Yã yãg xop tep-tup, pu xonat Yeyox mũy, pa' mũg 'ohnãg.
45Ha ta' mõg putpu' xonat xop 'ãmãnex xexka xop hah, tu paniye xop ha' mõg, ha' yĩykopit, hu: —Teptu Yeyox nũnnã 'ohnãg? Kaxĩy.
46Ha xonat xop te: —Yã hãm'ãktux max Yeyox te'. Tep-te hãm'ãktux nõm tik yõg hãm'ãktux putuk? Yã tik 'ohnãg. Hãm'ũmhã hãm'ãktux nõm tik yõg hãm'ãktux putuk? Yã hãm'ãktux 'ohnãg. Kaxĩy.
47Ha Panixet xop te: —'Ok 'ãkuxa mãm 'ũyõg mõ'ãmã'ax kopa kamah?
48Tik xexka 'ũm kuxa yũm kãy kopah, xix Paniye 'ũm? Hãm'ũmhã'? Yã tik xexka 'ohnãg xix Paniye 'ohnãg kuxa mãm kãy kopah. 'Ãmhok.