Dewa 4:33-36

³³Ka Kauvea Iesu a tau hae anani ibagibagi ananina, ka tauna ya mini‑havine ihaehaeyei. Ka Yaubada yanꞌ ate‑nuanuai ananina taui habuhabui wayahia mamaei.

³⁴Ka eha aitam payapayaya nui, ka habuhabui na kabwagi kadu na kwamai. Iuna aituhu yaiai ivi‑kutakuta, munia tau kaikaiwabo wayahia yai tano kadu yai manua iaimwaneyei, e patana habuhabuna iomanei, e Iesu a tau hae ivenevenei. Ka tau hae‑naia taui ivi‑kutakuta kinaia ivo‑patapatai. Ka tuta tuta ekalesia nihenina tau kaikaiwabo yai dewa deina.

³⁶Ka aitam tau kaikaiwabo wayahia ana wava Iosepa. Ka tau hae ivi‑wahani Banabasi, iuna Banabasi anꞌ anamana “tau vo‑vi‑vatu”. Tauna aitam Levi yana dede, ka ya meagai aitam bonabona ana wava Sipirusi.