APOSEL 4:33-36

³³Yesus imi kalaan tinum ninggil iyo titil kup faga-nilipta, Kamogim Yesus imi kaan-nala fen tigi mola atam-silip umi sang uyo baga-em tiinemip kale, God iyo alugum bilip imi bet bubul kobe-nalata, dong daga-e-bala kuguup tambal uta kup waafu-silip ko.

³⁴Kale bagan so kasel am so kasel iyo alugum baapmipta, molipta, umi tisol uyo kulep tal Yesus imi kalaan tinum bilip imi kobe-nilip e, “Ipkil kulu waafu-bom-nilipta o,” agelipta, kalaan tinum iyo kulu-nilipta, mufekmufek duumatanip man imi kupka-em tiinemsip kale, tinum iyo maak mufekmufek uyo iibamin binim ko.

³⁶Kale tinum maak bemi win uyo asegim Josep kale, kalaan tinum iyo win migik maak bogobe-nilip e, “Banabas ko age ipkumal dong daga-emin tinum o,” agelip kale, beyo Lival imi man ilop kale, beyo kafin Saiprus kayaak ita kale mungkup,