Dakani jaura Hebräer milini 3

1

2

3

4

5

6

7

8

9

10

11

12

13

¹Jendrangundruja, ngatata kulikiriai, pariwilpaia karkani ngainpu mara worajai, najinajibanau ngaiananaia dikani jauraia Apostel, ja Priesta pirna, Jesus,

²Nauja talku nganai nunkangu, Nulia ninaia kurana wonti, worderu bakana Moses nunkani pungani warupotuni.

³Ngangau morla pirnala Nulupini manina wonti Mosingu, worderu nulu morla pirnala ngamalkai pungani, nulu ninaia matja ngankingana.

⁴Ngangau punga pilki ja pilki kanali ngankingai, Nulia warupoto ngankingana wonti Goda nganai.

⁵Ja Moses talku nganana wonti nunkani pungani warupotuni, mili jeribaka malka morlalu nunkangu, mina kaukaubananto,

⁶Ja Christus Ngatamura jeribaka pungani nunkanani; nunkanaia punga ngaiana nganai, ngaiana kalkani morlalu ngundrana ja pirnala mudanajeli ngurunguru ngamalkanani.

⁷Jendrangundruja, worderu Jaola kulikiri jatai: “Karari, jura ngaiala nunkani ngaranani,

⁸Jeruja ngara juranina wata ngurunguru ngankanau, worderu kaldrini wontjanilaia ditjini pitarani;

⁹Jendranguta ngaperali juranali ngana wontjana wonti, ja ngana najinajibana wonti, ja ngankana ngakani najina wonti kilpawodra pota mandrumandru marapratjana.

¹⁰Jendrangundruja ngani tanangupini ngujani kaldririna wonti, ja jatana wonti: Miliugeru tanalia ngarali tjautjau ngundrai ja tanalia palto ngakani wata ngujamana warai,

¹¹Jeruja ngato bakana tirini ngakanani morlalu kurana wonti: Tanaia wata wirinanto ngara ngamanaia ngakanaia.”

¹²Ngamalkaterianau, ngatata worajai, kulnuni jurangundru morlalu ngundrani pania ngara madlentji nganaiati, nau puriati Goda tepindru;

¹³A-ai, kurukurubijiribamalianimai ditjini warupotuni, jerimtjaia tanali karari dikai, madlentjaia jedibanali kulnuni jurangundru ngurunguru ngankaiati.

¹⁴Ngangau ngaiana Christum ngampumara pantjina wonti, ngaiana morlalu ngundranaia wonini lnudanajelu ngurunguru ngamalkanani.

¹⁵Matja jatanani: “Karari, jura ngaiala nunkani ngaranani, jeruja ngara juranina wata ngurunguru ngankanau,” worderu kaldrini,

¹⁶Warletana ngaranietja nganana wonti, tana kaldri ngankaterina wonti? Wata tana pratjana, tana Egypta mitandru dunkana wonti Mosili?

¹⁷Warletana nganai, tanangu Nauja kaldririna wonti kilpawoldra pota mandruraandru marapratjana? Wata tanali, tana madlentji ngankana wonti, tanani palku pitarani parantina wonti?

¹⁸Worangu Nulia morlalu kurana wonti, tana wata nunkani ngara ngamanaia wirinanto? Windri tanangu, tana delkina wonti?

¹⁹Ja ngaiana najiai, tana ngandandarina wonti wirila morlalu ngundrana panindru.