8Nangiruarka ti lanut manipud idiay Egipto; pinapanawmo dagiti nasion ken immulam daytoy.
9Winaknitam ti daga a maipaay iti daytoy; rimmamut ken pinunnona iti daga.
10Naabbungan dagiti bantay iti linongna, dagiti kangatoan a sedro ti Dios kadagiti sangana.
11Dimmanon dagiti sangana agingga iti taaw ken nagsaringit agingga iti Karayan Euphrates.
12Apay a rinebbam dagiti paderna tapno dagiti amin a lumabas ket agpuros iti bungana.
13Dadaelen daytoy dagiti alingo iti kabakiran ken kanen daytoy dagiti narungsot nga ayup iti taltalon.
Dagiti Salmo 80
Dagiti Salmo 80:8-13