Carita Mula-mula 5

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Waktu Allah bekin manusia, Dia bekin dong pung model, sama ke Dia pung diri sandiri. Dia bekin sang dong, laki-laki deng parampuan. Ais Dia pange sang dong “manusia”, deng Dia kasi berkat sang dong. Manusia partama pung nama, Adam. Ini ni, Adam pung turunan dong pung nama:

³Waktu Adam su umur 130 taon, dia dapa satu ana laki-laki, dia pung model sama ke dia pung bapa. Ju dia kasi nama itu ana, Set.

⁴Ais itu, Adam masi idop lai 800 taon, deng dia dapa tamba lai ana laki-laki deng parampuan.

⁵Dia mati waktu dia pung umur su 930 taon.

⁶Waktu Set umur 105 taon, ju dia dapa satu ana laki-laki, nama Enos.

⁷Ais Set masi idop lai 807 taon, deng dia dapa tamba lai ana laki-laki deng parampuan.

⁸Dia mati waktu dia pung umur su 912 taon.

⁹Waktu Enos umur 90 taon, dia dapa satu ana laki-laki, nama Kenan.

¹⁰Ais itu, Enos masi idop lai 815 taon, deng dia dapa tamba lai ana laki-laki deng parampuan.

¹¹Dia mati waktu dia pung umur su 905 taon.

¹²Waktu Kenan umur 70 taon, dia dapa satu ana laki-laki, nama Mahalalel.

¹³Ais itu, Kenan masi idop lai 840 taon, deng dia dapa tamba lai ana laki-laki deng parampuan.

¹⁴Dia mati waktu dia pung umur su 910 taon.

¹⁵Waktu Mahalalel umur 65 taon, dia dapa satu ana laki-laki, nama Yared.

¹⁶Ais itu, Mahalalel masi idop lai 830 taon, deng dia dapa tamba lai ana laki-laki deng parampuan.

¹⁷Dia mati waktu dia pung umur su 895 taon.

¹⁸Waktu Yared umur 162 taon, dia dapa satu ana laki-laki, nama Henok.

¹⁹Ais itu, Yared masi idop lai 800 taon, deng dia dapa tamba lai ana laki-laki deng parampuan.

²⁰Dia mati waktu dia pung umur su 962 taon.

²¹Waktu Henok umur 65 taon, dia dapa ana laki-laki satu, nama Metusalak.

²²Ais itu, Henok idop satu hati deng Tuhan Allah sampe 300 taon lai. Ju dia dapa tamba lai ana laki-laki deng parampuan.

²³Dia idop satu hati tarús deng Tuhan Allah. Ais waktu dia pung umur 365 taon, ju dia ilang, tagal Tuhan Allah su angka nae sang dia.

²⁵Waktu Metusalak pung umur 187 taon, dia dapa satu ana laki-laki, nama Lamek.

²⁶Ais itu, Metusalak masi idop lai 782 taon, deng dia dapa tamba lai ana laki-laki deng parampuan.

²⁷Dia mati waktu dia pung umur su 969 taon.

²⁸Waktu Lamek umur 182 taon, dia dapa satu ana laki-laki.

²⁹Lamek kasi nama itu ana, Noh (yang mirip satu kata yang dia pung arti ‘kasi hibur’), tagal dia bilang, “Ini ana nanti hibur bekin sanáng kotong pung hati dari kotong pung karjá satenga mati di ini tana yang Tuhan Allah su kutuk ame sang dia.”

³⁰Ais itu, Lamek masi idop lai 595 taon, deng dia dapa tamba lai ana laki-laki deng parampuan.

³¹Dia mati waktu dia pung umur su 777 taon.

³²Waktu Noh pung umur su 500 taon, ju dia dapa tiga ana laki-laki, andia Sem, Yafet deng Ham.