Buk Song 95:1-5

¹Yupela kam. Yumi mekim song bilong litimapim nem bilong Bikpela. Yumi tingting long strongpela God em i kisim bek yumi, na yumi singim song na amamas long em.

²Yumi go klostu long em na tenkyu long em. Yumi mekim sampela song bilong amamas na litimapim nem bilong em.

³Long wanem, Bikpela em i strongpela God. Em i strongpela king na em i antap long olgeta giaman god.

⁴Em i save bosim olgeta hap graun, long olgeta ples i daun tumas i go inap long olgeta maunten i antap tru.

⁵Em yet i wokim graun na solwara, olsem na em i bosim ol.