Buk Song 71:10-14

¹⁰Ol birua i laik kilim mi, na ol i kibung na pasim tok long bagarapim mi.

¹¹Ol i tok olsem, “Goan, yumi ranim em na holimpas em. I no gat wanpela man i stap bilong helpim em. God i lusim em pinis.”

¹²Orait God, yu no ken i stap longwe long mi. God bilong mi, yu mas i kam hariap na helpim mi.

¹³Dispela ol man i sutim tok long mi, yu ken daunim ol na pinisim ol tru. Ol i laik bagarapim mi, olsem na yu mas paulim ol na mekim ol i sem nogut tru.

¹⁴Tasol bai mi bilip long yu oltaim na mi wet long yu i helpim mi. Bai mi litimapim nem bilong yu moa yet.