Buk Song 38:3-7

³Yu kros long mi, olsem na mi sik nogut. Mi gat sin, olsem na bodi bilong mi i no gat strong moa.

⁴Ol rong bilong mi i karamapim mi pinis, na ol dispela rong i olsem kago mi karim na i hevi tumas.

⁵Ol sua long bodi bilong mi i gat planti susu na i sting tru. Mi mekim pasin i kranki tru, olsem na dispela i kamap long mi.

⁶Bel bilong mi i gat bikpela hevi tru, na mi bagarap. Long olgeta de mi sori na krai tasol.

⁷Bodi bilong mi i hat moa olsem paia i kukim, na mi gat bikpela sik tru.