Buk Song 27:5-7

⁵Taim samting nogut i kamap long mi bai em i haitim mi long haus bilong em. Bai em i pasim dua na haitim mi gutpela tru. Bai em i putim mi antap long wanpela bikpela ston tru na mi stap gut.

⁶Olsem na bai mi winim ol birua i raunim mi, na bai mi daunim ol. Bai mi singaut amamas moa yet na mekim ofa long haus bilong God. Bai mi mekim song bilong litimapim nem bilong em.

⁷Bikpela, taim mi singaut long yu, yu ken marimari long mi na harim beten bilong mi.