4Bikpela, yu mas lukautim mi gut bai strong bilong ol man nogut i no inap winim mi. Banisim mi na ol man bilong pait i tok long bagarapim mi, bai ol i no inap mekim wanpela samting long mi.
5Ol bikhetman i putim umben i stap bilong holimpas mi. Dispela umben ol i wokim long baklain ol i taitim long rot bilong mi bilong kisim mi olsem abus.
6Mi tokim Bikpela olsem, “Yu God bilong mi.” Bikpela, helpim mi. Harim singaut bilong mi.