Bindoatan 13:35-38

³⁵Ig ganing pa ka don ong domang salmo, ‘Tenged indi pabayan mong maronot tang sinangoni tang sagradong torobolon mo!’

³⁶Asing timpo pa ni David, bindoat na tang tanan ang pinaboat tang Dios ong nandia. Oman pagapatay na, limbeng tanandia ong lebengan tang mga kamepet-mepetan na, ig naronot tang sinangoni na.

³⁷Piro si Jesus ang binoing oman tang Dios, ang sinangoni na indi enged naronot.

³⁸Animan dapat ang mata-wanan mi, mga logod, ang narin tang agpatako amen ong nindio tenged ong bindoat ni Jesus--ang mapatawad ita ong mga talak ta.