35E uwariꞌche jewaꞌ kubꞌiꞌij pa jun chik Salmo: Rilal na kaya ta la luwar che kaqꞌay rucuerpo ri Jun lik uyaꞌom ribꞌ paqꞌabꞌ la xchaꞌ.
36»Ma paqatzij wi ri David xuꞌan ri xraj ri Dios rukꞌ echiriꞌ kꞌo che ruwachulew, pero xopon ri qꞌij xkamik y xmuq pa emuqum wi ruchu-uqaw, y rucuerpo xqꞌayik.
37Noꞌj rucuerpo ri Jun ri xukꞌastajisaj bꞌi ri Dios, na xqꞌay taj.
38»Chetaꞌmaj kꞌu alaq waꞌ, alaq watz-nuchaqꞌ: Ruma ri xuꞌan ri Cristo, katzijox che alaq suꞌanik kariq alaq ri kuybꞌal mak chwach ri Dios.