Auinapàpari 13

1

2

3

4

5

6

7

8

9

10

11

12

13

14

15

16

17

18

19

20

21

22

¹Gée na càùé, â go côo naa na nyuâa, pâ pàra muru na o mwa tèepaa: Ba go côo wà Itémuru, na é còobé gée nawià. Po 10 gi kêe. Â 7 pûruê, na jèpa tâa gò ê bwe korona. Â wii naa gòro pâ jèpa pûruê, ê pâ nee Pwiduée, ba na é pa autâa kà Pwiduée, ba na é inaê ba èpà mwara.

²ÃŠ naiié, âna pwacèwii ê naiiri léopard.  ê âê, âna pwacèwii ê âra ours.  ê pwêe, âna pwacèwii ê pwâra liô.  é naa têe ê nii kêe wà i pwi Dàragô, bau ê autâa kêe, ma ê pitûâ kêe, na dau maina.

³Ã‚ go côo ê aurumuru na dau maina, gòro jè pûruê, pwacèwii na jèe tòdità, â wàra munaa é jèe bà. Êco na jèe nyu côwâ, â jèe wâdé.  wà diri tèpa âboro gòropuu, âna rà picâdirié goo, â rà pâra wiâê.

⁴Â rà pwamainaê, â rà ina pâ: «Wàilàapà cèna pwa nii kêe pwacèwii Itémuru? Wàilàapà cèna pâri ma é cicaraé? Nye ticè!» Â rà pwamaina mwara i pwi Dàragô, ba wàé, na é naa têe ê pàtàmee.

⁵Jèe panuâ tà Itémuru, ma é tùra, naa na 42 parui. Â é dau pi-ina kêe ma ina pâ wàé âna wàé Pwiduée.

⁶Â é dau ina ba èpà wà Pwiduée, ma ê nee, ma ê autâa kêe wâ *napwéretòotù, ma wà diri tàpé na rà tâa wê.

⁷Â jèe nye panuâ têe ê pàtàmee ma é ipaa, ma é piétò jii tèpa âboro kà Pwiduée. Â jèe panuâ têe mwara târa pitûâ, naa gòro diri tèpa âboro gòropuu—diri pâ wâao, ma pwâratùra, ma pâ napô, ma pâ Ba.

⁸Â rà cau cigòboo têe diri tèpa âboro gòropuu, na jèe càcaa wii neerà, naa na Tii kà *Pwi nari mutô, béaa kâra ê pai tòpò wàra ê gòropuu. Wà Pwi nari mutô, âna wàé kaa pwina é jèe bà, ba na é pwi *ârapwaailò.

⁹Â wâgo, Ioane na go wii ê tii bèeni, âna go ina pâ: Wà pwina pwa pwâranyüruê, âna wâdé na é têre!

¹⁰Ba o tubaèpà tà tèpa âboro kà Pwiduée. Rà o pwa karapuu wà pàra pwi, â rà o pòtàmwara pàra tàpé. Â wâdé na rà cipa ba mwü ê cèikî kàra, ma pidàpwicâarirà naa na ê pwina o tèepaa tàra.

¹¹Gée na càùé, â go côo ê béârailu kà tèpa macii na èpà na é còobé gée napuu. Po ârailu gi kêe, na pwacèwii ê gi kâra nari mutô, êco na é pwi a takànarijè, pwacèwii ê dàragô. Â nee mwara, âna ‘Wà pwi *péroféta a pwâ’.

¹²Ã‚ é wakè ba kà Itémuru, pé macii béaa, na ia jèe nyu côwâ i aurumuru kêe. Ba é tòpi jii Itémuru êdiri tàrù kêe ma pàtàmee. É tacoo goo diri tèpa âboro gòropuu, ba na rà cigòboo na ara Itémuru.

¹³Ã‚ é pwa ê pâ câmu na dau maina, goro pàtàmee, na ara Itémuru. Ba é panuâ boo ê ânye gée napwéretòotù, â rà cau pò goo wà tèpa âboro gòropuu.  panuâ têe, ma é ipa-imwürurà.  é tûâri tàra, ma rà pwa cè ânuu wà Itémuru, na ia pwa aurumuru wâgooé, â ia jèe nyu côwâ.

¹⁵Panuâ tà i béârailu kà tèpa macii—i pwi péroféta na é pwâ—ma é pawâro i ânuu Itémuru. Â panuâ târa i ânuuê, ma é tùra, ma pòtàmwara diri tèpa âboro na càra caa pwamainaê.

¹⁶Â é tacoo goro pâ âboro diri, ma rà tòpi ê câmu kêe naa goo îrà étò, é, wâ gaadaarà. É wàrapwiri tà tèpa âboro diri, na kîri ma maina, â wà tàpé na pwa neemururà, ma ticè neemururà, â wà tàpé na pwa tàrù kàra, ma wà tàpé na ticè tàrù kàra.

¹⁷Â ticè âboro na pâri ma pi-icu, wiàna ticè gooé ê pwi câmu bèepwiri. I pwi câmu kêe bèepwiri, âna nee wà Itémuru ma nimaro na ucina goo nee.

¹⁸Wâgo, Ioane, na go wii ê tii bèeni, âna go ina tàwà pâ: Wà pwi âboro na é tàmanga, âna wâdé na é pitadàra ê nimaro kà Itémuru. Ba ê nimaro kêe, âna nee pwi jè âboro—âna 666.