Apostolo 11:9-17

⁹“Lakea a lohona viri i ta valai tabu na hunu, i ta maea, ‘A ra maki a Vure i ratea i kabakaba, naha ni takia ta i muto.’

¹⁰A maki iea i bele balaka tolu. Muri ni lalu rike tabu na hunu a lavalava bolabola.

¹¹“I uka ma i tabaka a bakovi ala tolu to bele. A bakovi nga, ni rudu o Sisaria to go matai iau.

¹²A Hanu Kiripiripi i taki iau nahea ga loho vagorigori, ga vano kunana turane tou. A murimuri ala polotara nga, ria ranga ri vano turagu, mi dili na ruma na bakovi iea.

¹³I vakalongo mia vona a agelo na Vure i bele vona na ruma, i takia, ‘O rudu ranga viri ri gi lakea o Iopa, ri gi matakanea e Simon, a rana tara e Petrus, ri gi takia ge valai.

¹⁴Bara i takia vomu tara ngava ge korimule ioe turana kabu vomu.’

¹⁵“Na tahuna a vakatubu ni ta, a Hanu Kiripiripi i dili ne ria. I manga a hini i dili ne hita muga.

¹⁶Muri a longovisia a ngavane Bakovi Dagi i takia, ‘E Ioanes i vahilolo e huriki na naru, pali iau bara vahilolo mua na Hanu Kiripiripi.’

¹⁷Hosi si luhoi torea e Isu Kristo a Bakovi Dagi, lakea a Vure i habi a Hanu Kiripiripi ne hita. Pali ria ngane ri luhoi torea e Isu, a Vure i habia a Hanu Kiripiripi ne ria. Pali iau e rei iau, ga hatekakaria a Vure nahea ge habi a Hanu Kiripiripi ne ria?”