Aposotolo Adi Hewau 20:18-23

¹⁸Abo se laoma ia arinai, i ribalau isi aridi eai i ene: “Egu laulau alodaina ede huia gamagamagari omi au itayao, lahinae Asia eai ea lage bagubaguna wa arimiu eai, i laoma e huia ta.

¹⁹Eau Guiau ea heaeaiei ma nuabigabigagu eo ma matasulugu hinage, eo noho gamagamagari hinage ea hearodi Iudea tataodi se wesewesegu:

²⁰aba helolomiu nige ginaurina esau ea mahihiei, na nuamiu ea hemasarahadi, eo ea heatamasamasarahaimiu, eo hari numa, hari numa eai,

²¹Iudea tataodi eo Heleni tataodi hinage ea guguiaidi, bena nuadi abo se buidi Eaubada arinai, eo Guiau Iesu Keriso abo se sunusunumaei.

²²Wau ta abo ea lau Ierusalema eai, earua nuagu i auaui, saha eo saha nei eai abo ea hearodi nige ea nuatuidi;

²³teina mo, eanua gamagamagari eai Earua Tabuna i heribagu, edi aba auaugu, eo agu amamna se abinonohaiyao.