5Teina riba ta se ataiei, Guiau Iesu esana eai abo se hebapatisoidi.
6Paulo nimana i saosaeyao isi potadi eai, Earua Tabuna abo i taru isi potadi eai: isi hari arina, hari arina arinai se ribariba, eo hinage se riba‐peroveta.
7Isi gamagari tataodi saudoudoi‐labui.
8Ia i awasae sunago alona eai nawalai haiona i riba adiadidiri, maedi se haiawayagara, eo tatao i henuabuidi se sinibuima Eaubada ena basileia ginauridi aridi eai.
9Headi nuadi se oiura, nige se nuatuwatai, na dobila ta se riba baaeai tatao gamagaridi matadi eai, ia abo i laugabaedi, tauataataiena i laehesuaraedi, asubena gamagamagari Turano ena aba sikusikulu eai riba se haiawaeagaraei.
Aposotolo Adi Hewau 19
Aposotolo Adi Hewau 19:5-9