Aposol 13:2-7

²Ye kene atu in di tooltool tina ngan tisapa ye kaningi so, inbe tisung pang Tool Mai. Motong la Maro Amunu Silene iwete pang di tooltool tina ngan nen, “Nga ole kapootoo Banabas iye Saolo, a nen ngan la yaru tiyeie urata yo awete pang di yaru be la tiyeii i.”

³Le tisapa ye kaningi, inbe tipatarau ye di a imot, motong tipaloko baedi lo podi, inbe titar di yaru a tila.

⁴Maro Amunu Silene iwanga Banabas ye Saolo tina a tidu nga, ngan le du yaru pombe ye malala mai atu yo ene Selusia i. Motong la tiyiri ye ookoo atu a tikooi le du pombe ye motmot yo ene Saipras i.

⁵Ngan yaru tidu ngan le du pombe ye malala mai ke Saipras yo ene Salamis i. Motong la yaru tilo ye rumu kidi Yuda ke gaongo ngan lono lo tiwetewete pang di tooltool ye betanga ke Maro. Ngan le Yowan Maka in iye di suru tina ngan tilo a lo ilon di ye urata lapau.

⁶Motong la yaru tipa ye malala yo iken ye motmot tani ngan le imot, le la yaru pombe ye malala mai Papos. Ngan tila ngan tipuske tool pidipidana atu kidi Yuda yo iyepe i, in ene la Bayesu i. Ngan Bayesu tani in illungu be ya in Maro koonoo atu.

⁷Inbe ya in iye tool kuto mai yo ene Segias Paulus i, in yaru tiyepe. Ngan Segias Paulus tani in tool lo galanga ki dook mata. Le nga iwanga pang Banabas ye Saolo be yaru timan pang ye ngan, yesoo ya in lono be le ilongo betanga ke Maro lapau.