Aposel 15:6-20

⁶Odocob aposel dana matuca age je eu tutuc mudoqagannu cegulein.

⁷Odimeig saen cecelac bahic togodumeig Pita cajimei maaden, “O cotiel, ija Juda dana qee me je maadecnu weleca Anut age gemonadec ija nesili ehiten. Eunu Juda dana qee age dah mecebil wawaga meleigiannu eu dogina.

⁸Odocob Anut uqa dana wawaga meleecnu dona eu uqa Juda dana qee eundec ageha uqanu wawaga meleecnu ihoc eu ihacadimei uqa Kis Gun egeca suldocob nenwe eu odi uqa ageca ha suldocob nen.

⁹Odocob uqa egeca ageca eu gug fil qee odel. Euqa age uqanu wawaga meleen. Odimei age wawaga meleecna age wawaga soidon.

¹⁰Eunu qila age eetanu Anut temdogina? Age culumen i ege jajanigeil egeca gahidocnu ihoc qee eu malogom adecwe qee.

¹¹Anut uqa Jisas Tibud uqana uum igecna cahahaadigianwe uqa odi egeha Jisas Tibud uqana uum igecna cahahagigian eunu wawige meleena,” aden.

¹²Odocob dana am euna cunug tiliein. Age Banabas Polca ale Anut Juda dana qee gemona ebenelana kobolkobol gagaca odon eunu saadesinnu dah mein.

¹³Ale je madi hedocobil Jems co suli u maaden, “O cotiel, ija dah miteiga!

¹⁴Saimon uqa wele sildigia, Anut hahawan Juda dana qee eundec age cahahaadecnu limei gemonadec leih uqanagul bilituqagannu cedaden.

¹⁵Odocob je hahun madec dana agena jaqec je ica caca bahic madena odi:

¹⁶‘Tibud madena, “I hedocob hibna dana cajaca saen euna bileginaca Juda dana qee age ijanagul biliteginaca age cunug Tibud walutuqagannu ija ceselimig Dewidna jo qahen eu haun sulecemin cajigian. Jo teful qahaden eundec ija cisindugen,” ena.

¹⁸Tibud eu odi madena, uqa wele bahic je i edi madeceb hu li madeceb doin,’ ena,” aden.

¹⁹“Eunu ijana cisdoc eu odi. Juda dana qee age Anutca falicdogina eu ege culumen i qee adoqaun.

²⁰Euqa jajanagail saennadec dana age Mosesna loo je taun ben cunugna Juda agena cuha jona cuha deel cunugna ha sanijimeig me je maadecebil doqona. Eunu ege jaqec je oso sulduadoum. Je odi maadoum, ‘Age kadan tibud ihanecnadec sab eundec cain jowain. Sab eu gegehinca. Dana uqa caja qee oc cajaca cain nijuwasin. Dool benega coldocobil cal men eu cain jowain. Ceteh golacha cain jowain,’ adoum,” aden.