Aisaia 11:1-8

¹Iese nosinosiwa bedeuwo, warere dea sanaa, ia iwa osowe seupa inileidia rua wisepi.

²Iawe God aleupa ipa me do, aleu sa me insadewasa ita aten wanepio apanawa oniadewasamopi, aleu sa me banlempo dima me insedia intawa dodomana asiasi wampie dewasampe apanawa banladewasamompa, ita aleu sa me dewasapio God atensampe wiwirawalempa.

³Ita me Iawe God aiawa ruawalempaa mampe nuaeulempa, Me mai emawa ba asiwa etedia asiasi apana kotumopi, dia.

⁴Me apana nuaparelala ulaipa ita dodomana mampe kotumopi, mo mida oauarau ita mukausiawaia saumopie dodomanamopi. Me aiawa ipa koina badowa rua tawo epompa, ita me aiawa sa apana kadi dewalala epaboiamopi.

⁵Dewa dodomana ipa iga rua me nowe taupi, ita euda wadepiitue dewakasalempaa dewawa gara nouwo tauia rua nowe taupi.

⁶Walama sawo pue dobinoa ita manasau duwa wanwanlala awodeatopue euda os waimompa, sa ipa elo onawau sipsip bunau do awodea waimompa, pue ebowa leopat ita gote bunau do awodea ituntompa, ita laion kau bunawa do awodea nana nampa ita seda kerakera pue sa oniamompa.

⁷Kau ita bea awodea nana nampa, ita mo obampu gegelau awodea euda os ituntompa. Ita laion kau ruau ina nampa.

⁸Seda gegelau mota onawaau nagau moapo owantompa, seda kerakera mota onawaau dubu bedewe witapu noanempa.