Acts 23:5-13

⁵Paul i paribelei, “Varevareiu eḡa ata aramanei da tauna God ana Pirisi ḡeḡetelarana. Au buka i terei da Eḡa God ana taunola ma parivai-apoapoeni.”

⁶Anina ma Paul i ʼnanai da Sadusi ma Pharisi ḡelaui kampa ma ponana i rata ma i riwa, “Varevareiu tau Pharisi, amau maiteni Pharisi. A vivitumaḡana da God rava iraḡelei ina vovaimairini wei lamna aubaina taumi o etaetareu!”

⁷Maranai wei i latoni Pharisi ma Sadusi viparipariniḡai i raukarei ma boru i kai da ruaḡa.

⁸Aubaina Sadusi e ririwa da rava e irairaḡe lamna eḡa ita vovomairi me, ma anela da aruarua eḡa ita vivitumaḡanei, wate Pharisi wei anatapui e vivitumaḡanei.

⁹Ḡaiawa ḡaeḡaena i tupua ma tarawatu babadai ḡelaui taui Pharisi, i vomairi ma i babani guratana i pa, “Tauai eḡa aiwai apoapoena ata inanai wei ravana awarina! Mepa da anela bo Bada Aruana tauna awarina i babani?”

¹⁰Viḡaiḡaiawa ḡaeḡaena i tupua ma sorodia ai bada i rovo mepa da rava Paul ina viaisikasikai ma sorodia i egari da i rui ma Paul i taravaina-opunei ma ina naieiau bareki.

¹¹Ma waguvarai ḡelauna, Bada Paul au ririvana i mairi ma i riwei, “Tepam ina tora! Me aubaiu u jima au Jerusalem nanare aubaiu au Rome ma jima.”

¹²Ubaubanai mai Jew ḡelaui i vitagogiei ma i viogatara ma i parivainuaḡana da eḡa ina am bo ina uma da Paul ina viraḡeni.

¹³Nelara 40 nanare i vianina da Paul ina viraḡeni.