Acts 14:18-25

¹⁸Apasol i bababani ma i kauana-guratei da ravai ita viḡaei da taui avena ita puloi.

¹⁹Mai Jew ḡelaui Antiok ei ma Ikoniamei i nei ma patarana i egari da Paul ḡaimei i viraurauei ma taonei i taina-opunei, i notai da tauna iraḡe.

²⁰Wate maranai vivitumaḡanai i ḡeta da i mae-kwaviviroi, tauna i vomairi ma i naeme au taon. Aupom ḡelauna tauna ma Barnabas i nae au Derbi.

²¹Paul ma Barnabas Riwana Aiaina i jimei au Derbi ma ekalesia voui maḡamaḡaui i rui. Ma i nae me au Listara, Ikoniam ma Antiok.

²²Metauna au dobuna i jimajima kampa tauvitumaḡana i ririwana-guratei ma i vovai-virewapani da ina mairi-jijina ai au tumaḡana i pa, “Piripiri maḡamaḡaui au orana ona rui wate au murina God ana au vibadana ona rui.”

²³Paul ma Barnabas ekalesia nununai ai babada i vinei ma i raupari ma i uji Bada awarina, da ai ekalesia ma ai babada ina paini.

²⁴Anina ma au Pisidia provins i verautua da i nae me au Pamphilia provins.

²⁵Au Perga Bada riwana i jimei ma i ḡaira au Atalia.