Acts 12:13-16

¹³Nil Peter.an wamp-a, nil ath thep-thep thant thaaꞌ yoon angana, aꞌ wanch koman thaaꞌ aakanakan iiy, namp nungantiya Rhoda, nil work iiy-iiy thant.

¹⁴Nil Peter.an thaw nungantan-a, puth nil Rhoda.angan kanam man awalan thiich nunang aꞌ nil wanch koman anan ngangk min paththam wun nungant, aꞌ nil koyam ngul kamp moꞌ thant, puth thaaꞌan keꞌam thaꞌ yaꞌa. Nil puth Peter.an angam yoon yippak than-than. Nil Rhoda.an thaw thant, “Nil Peter nan yoon than-than a!”

¹⁵Than thawin nungant, “Nint in wik ngeen waaꞌangan ngul e? In nint kan-ngul weenthamangan ey?” Nil putham ngul thaw thant, “Ayey, an kan-kanam a! Nil nan yoon than-thanana.” Aꞌ than thawin nungant, “An maany nungantam nath thathana.”

¹⁶Puth Peter.ana angam yoon thaaꞌangam yippak than-than, thaaꞌan yaam thep-thep. Anpalana, than thaaꞌak ngul iiyin, aꞌ thaaꞌan thapathin nungant. Aꞌ than ngangk ikanang thathin nunang ngul.