13Hayet iscꞌon̈qꞌuen naj ispultahil yamakꞌil huneꞌ n̈a tuꞌ, yelicto yaw naj. Yelilo huneꞌ ix kꞌopo chimunla yinta ix María, chiyij Rode, ishajno teꞌ yalni.
14Yajaꞌ haxa yet yaben ix yul isnukꞌ naj Pedro, caw matxa ishaj ix teꞌ, istopaxo ix yin̈ an̈e yalno yin̈ tzalahilal tato lin̈anxaco naj Pedro istiꞌ huneꞌ pulta tuꞌ.
15Yalni ebnaj juẍtaj yeb ebix janab tet ix Rode tuꞌ: —¿Tzimi chawal hach tiꞌ? Matxam iswalil ye yul hawiꞌ, ẍi ebnaj. Istakꞌwipaxo ix: —Machoj, to caw yeli mawabehan yul isnukꞌ yaꞌ, ẍi ix. Yuxin hallaxpaxo tet ix: —¿Machmi taj naj, ham naj ángel chitan̈e naj, haꞌ mahuli? ẍi ebnaj tet ix.
16Hayet lan̈an istzotel ebnaj yeb ix islahnico naj Pedro iscꞌon̈qꞌuen teꞌ pulta tuꞌ. Lahwi tuꞌ xin ishajni ebnaj teꞌ, iscꞌayilo iscꞌul ebnaj yet yoc apno naj Pedro tuꞌ.
Hechos 12
Hechos 12:13-16