Acts 11:3-6

³“Avei, ko vano isana tamlohi r̃or̃oha, ale ko hanhani peresira.”

⁴Pani Peter mo tapulo vereuli na sava mo masese mo tapulo na tapulona mara,

⁵“Na lo toho na taon tavera matan Joppa na lo usiusi, ale hinau matea sohena mavuho matea mo pala isaku, ale na hite na hinau matea sohena tavalu ruru tavera jea matea mo lo sinai atano mo tai na tuka ale la tuhua hin la pingona atu mo vati mo sinai tataholo isaku.

⁶Nara na kilau mamahunia, na hite na maji palo vati hai, maji jala hai, maji haraho hai peresi na maji avuavu tinatinapua hai sei la tapu mata hanira.