3ʒiŋuc âzâcnembiŋ: “Go wemocte Mosere ma tâmiric iqic‐joparâ jaŋere meonec wiac nâmeŋ?”
4Eme Petorozi wiac fuawec i fuŋnaonecteaŋ qâwirickerâ ʒiŋuc jazawec:
5“No Jope haeo numuhuc juhape Wofuŋzi maŋko fuac enareme wiac kecʒiŋuc honepo: Wiac moc racsâko tinac tofane 4 ira basanaŋkehuc sambâŋkonec âkesuepie wahaku maŋfuŋ‐naneo fisiwec.
6Wahame findendeŋnehuc hone qârâwiŋ ejarehuc honepo: Maŋnao qowi kosa, micmâŋ â micnehec, erâ homa wiac â sawa wipe fowec.