A Tarai Levi 24:12-21

¹²Di ga vung ia ta ra pal na banubat upi diat a matoto tai ra Luluai ure.

¹³Ma ra Luluai i ga tata pire Moses, ma i ga biti:

¹⁴Una agure vairop go nina i ga varvul ta ra papar a gunan irai; diat par nina dia ga valongore, diat a vung ra lima i diat ta ra uluna, ma ra tarai par diat a tupar ia ma ra vat.

¹⁵Ma una tata pire ra tarai Israel, dari: Nina i kulume kana God na puak ra balbali ta kana varpiam,

¹⁶ma nina i vul ra iang i ra Luluai, a dovotina da doka; a tarai par diat a tupar ia; da pait ia tai ra vaira, da di pait ia pire ra te Israel tuna, da doka ba i vul ra Iang.

¹⁷Nina i doko ta tikai, da doka;

¹⁸ma nina i doko ta vavaguai, na bali ia; a nilaun ma ra nilaun.

¹⁹Gala ta tutana i vakaina talaina; da i ga pait ia, da pait ia pirana;

²⁰a kinkin ma ra kinkin, a kiau na mata ma ra kiau na mata, a pal a ngia ma ra pal a ngia; da i ga vakaina ta tutana da vakaina bula.

²¹Nina i doko ta vavaguai na bali ia; ma nina i doko ta tutana da doka.