A Kakailai I Lia 1:1-7

¹A kakailai i lia ta ra lavur kakailai, nina ba kai Solomon.

²Boina ba na galum iau ma ra umana vargalum na ngiene; Kaum varmari i boina ta dir ma ra polo na vuai na vain.

³Kaum lavur varku dia ang na vuai, A iangim i da ra varku di ga lolonge, Damana a umana inip na vavina dia mari u.

⁴Una al pa iau; ma avet a vutvut up u. Ra king i ga ben pa iau tar ta ra kubana; Avet a gugu ma avet a ga tam; Avet a vala varvai ure kaum varmari, ma ure ra polo na vuai na vain pata; Kadia varmari piram i dovot.

⁵I korong ra pakagu, a umana natu i Ierusalem, a umana vavina, Ia kaka iau a metek, Da ra umana pal na mal Kedar, Da ra umana mal na babak kutu kai Solomon.

⁶Koko avat a bobe iau tago i gogol ra pakagu, Tago ra keake i ga tar rang vakubar ra pakagu. A umana natu i tinagu, a umana tutana, dia ga kankan ure iau, Ma dia ga vo pa iau pi ina tena varbalaurai ta ra umauma na vain; Ma kaugu uma na vain pa iau ga balaure.

⁷U nina ba ra tulungeagu i mari ia, una ve iau Ure ra pakana kaum kikil na sip dia iaian tana, ma ra pakana dia ngoango tana ari ra keake i ki tur; Ta ra ava ina da ta tikai i tuba ra pal a matana Maravai tar ta ra kikil na sip kai ra umana talaim?