2 Lengte 15:10-18

¹⁰Chuin Jabesh chapa Shallumchun Zechariah dounan lungthimseana gongin mipi lah’a ana that in, ama leng ahung chang tan ahi.

¹¹Zechariah vaihom sunga thilsohho jouse chu Israel lengte thusimkijihna lekhabua chun abon inaum’in ahi.

¹²Pakaiyin Jehu kom’a anasei, “Nachilhah te khang li geija lengkachansah ding ahi,” tichu guilhunna ahi.

¹³Judah gama Uzziah in leng achankal kum som thum le ko alhinin, Jebesh chapa Shallum hin Israelgamsung’a lengvai ana hom’in ahi.

¹⁴Chuin Gadi chapa Menahem chu Tirzah a konin Samaria-ah agachenama chu athat’in, lengmun ahinlotan ahi.

¹⁵Shallum vaihom sunga thilsohho chuleh alungthimse gonho pum chun, Israelte thusim kijih lutnalekhabua abonchan aum’in ahi. Menahem In Israel Chunga Lengvai Apoh

¹⁶Hiche pat chun Menahem in Tappuah khopi leh avella gamhojouse, Tirzah geijin asumang hel inahi, ajeh chu akhomite le akimvelamite, akhopi ho chu akoma ahinpehlut nomlou jeh’u ahi. Amanagamsung mite jouse chu athatgam’in chule numei gailai ho jongakhedoh sohkei jin ahi.

¹⁷Judah gam’ah Uzziah lengpanlengvai ana hom kal kum somthumle ko alhinin, Gadi chapa Menahemin Israel gam’ah lengvai ana hom’inahi. Aman Samaria a hin kum somsungin lengvai ana hom’in ahi.

¹⁸Ahin Menahem hin Pathenmitmu’n thilse jing anabol in ahi. Avaihom sunghin Nebat chapa Jeroboam min Israelte achonsetsahna a kona kile heiding ananompon ahi.