1 Reye 18:34-35

³⁴Maʌ̃ne Elíaba jarasia: –Baidoda zoco quĩmãrẽ jue enenadua. Maʌ̃ baidora paca tʌcuad̶a ʌ̃rʌ̃ wead̶adua. Tʌbʌra jũma b̶eguea od̶adua.– Mãwã oped̶ad̶acarea Elíaba jarasia: –Wayacusa ara maʌ̃ quĩrãca od̶adua.– Ara maʌ̃da mãwã osid̶aa. Elíaba wayacusa jarasia ara maʌ̃ quĩrãca od̶amãrẽã. Ara maʌ̃da wayacusa mãwã osid̶aa.

³⁵Mãwã o panʌne baidora ãyã wea nũmesia. Ab̶ed̶a dji animarã babue diabada icawa pʌrrʌa corod̶ara baidoba bira ũmesia.