1 Reĝoj 22:43-47

⁴³Li iradis tute laŭ la vojo de sia patro Asa; li ne deturniĝis de ĝi, agante tiel, kiel plaĉas al la Eternulo. Nur la altaĵoj ne estis forigitaj; la popolo ankoraŭ oferportadis kaj incensadis sur la altaĵoj.

⁴⁴Kaj Jehoŝafat havis pacon kun la reĝo de Izrael.

⁴⁵La cetera historio de Jehoŝafat, kaj liaj heroaĵoj, kiujn li faris, kaj kiel li militis, estas priskribitaj en la libro de kroniko de la reĝoj de Judujo.

⁴⁶La lastan kvanton da malĉastistoj, kiuj restis ankoraŭ dum la vivo de lia patro Asa, li ekstermis el la lando.

⁴⁷Tiam ne estis reĝo en Edomujo; estis anstataŭanto de reĝo.