1 Korinito 13

1

2

3

4

5

6

7

8

9

10

11

12

13

14

15

16

¹Tatao eo aneru memenadi eai eau taba ea riba, na ena gadosisi nige ea abi, eau boiatu dagudaguguna mo, e pate se oioi gaibu.

²Eo taba ea riba peroveta, eo sonoga eamuyamui eo riba piripiridi arigu eai se masaraha, eo egu sunuma i lai taba oea tupidi ea hemoimoiudi, na egu gadosisi nige’e, eau ea deha ariri.

³Egu gogo gamagamagari taba ea soiei bena taugogogesagesa ea heaidi, taugu taba ea moselaei bena se gabu, ia mo nige aniona, ena nige ea gadosisi.

⁴Gadosisi i taubiga ariri, i abilolo. Gadosisi nige i aiaromagigiri, nige i ribapasipasiuioi;

⁵nige i nuasaesae eo nige ena abi se baaea. Gadosisi nige iabom ena nuatu mo i lauwatai; taba nige se hesom i nuabaaea, nige i lauhegiru.

⁶Baaea arinai taba nige i kode, riba mamohoina mo arinai ie kode.

⁷Gadosisi ginauri gamagaridi i baheidi, ginauri gamagaridi i awamamohoiedi, ginauri gamagaridi i sunumaedi, ginauri gamagaridi aridi eai i torotahitahi.

⁸Gadosisi taba nige i tauyamui. Peroveta ribadi abo se tausuara, arina udoi udoi abo se lautom, sonoga abo se hemuri.

⁹Paana ita tupona mo ta italobai, arinai tupona mo ta riba‐perovetai;

¹⁰na lolo‐dumadumana i laoma abo lolotupona wa i helaudamai.

¹¹Eau magagirigu eai wa ea ribariba doha merumeru, egu nuanuatu doha merumeru, egu heuheuio doha merumeru, i lau e ea taulailai, abo merumeru laulaudi ea torehesuaradi.

¹²Ita huia ta doha ta itaitalau ilu eai, i gaugau, na nei huiana ne abo matada eai ta haiitaita. Aboina tupona mo ea italobai, nei huiana ne abo maudoina abina ea ata, doha eau hinage abigu i atao.

¹³Arinai ede awamamohoi, sunuma, eo gadosisi se ota, teina haiona ta; na saesaearirina ede gadosisi.