1 Kolini 6

1

2

3

4

5

6

7

8

9

10

11

12

13

14

15

16

¹Nagoa nelamafuyaene kema vaitetama agaima kaiyekema hutegahena naa higetama Anumayamo kema akave nomalaya kava vayatela amavaletama nevae? Ani kavala ohiho. Yisasina amakua amitafa humainesaya vayate vigeno ketamia alino kanale huno fatago hulamateno.

²Yisasi anagamoya haenagaa ma mopale veamogamina kaiyekea humategahae huya humainaya kea ohavinao? Mukia veala kaiyekea humategahagi osi kea fako hisaya tokiyatamia hane huna nehue?

³Tamakaya ohavinao? Haenagaa tagaya ensole vayamogami kaiyekea humategahunagi ma mopale yana osi yanagitama tamakaya afaa fako hugahae.

⁴Nago yama falote hisia yupa kema fako hugahena naa higetama Anumayamo akave nomaleya mono nopi amaki omale vayatela kea alitama nevae? Ani kavama hayana havi kava nehae.

⁵Tamakaipina tole nelamafugania kema vaisaagenoa tamakaipina nagola kanale havi haviyaa hanea kanoa amunoanifi hetino keanima fako hisia kanoa omaineo? Mainegahie. Tamakaye hisifa kea nehue.

⁶Naa higetama ani kanomotela anavaletama outama nelamafuganina kaiyekema hunategahena Anumayamo akave nomalaya kanomotela anavaletama nevae?

⁷Ke vai yatamima falote higetama kaiyekema humategahe vayana havi kava nehae. Nago kanomoa kagaila havi kavama hunegatesiana “Afa yane.” nehuka kaiyekea hu oateka yuna heka maiteasina kanale hileasine. Nago kanomoa kagaipiti musufayama higeka “Afa yane.” nehuka kaiyekea hu oateka maiteasina kanale hileasine.

⁸Kanaleya hugahe hianagi ani kavala ohutama tamakaya havige hutama nelamafugamina havi kava huneamatae.

⁹Kefo yama nehaya veala Anumaya Kotia kava yagai-mainea kumatela ohaigahae huno humainea kea ohavinao? Ani kehena havilama hutetama havige hisaya kea ohaviho. Ani kefo yama nehaya veala Anumaya Kotia kava yagai-mainea kumatela ohaigahae moli huliteya nehuya kumai nehaya veanene ago fali-mainaya vayafe “Anumayati maine.” huya amakisana nevaiya veanene alu kanomo anema amavayu nehaya vayaene ve amafaluyaene moli nehaya vayaene Anumaya Kotima kava yagai-mainea kumatela ougahae.

¹⁰Musufa yama nehaya veanene alu kanomo yatema age hamaye nehaya veanene havili neya aneginagi nehaya veanene nagoa veafe hu-haviya nehaya veanene havige huya musufa yama nehaya veanene Anumaya Kotima kava yagai-mainea kumatela amaugosa tamage huno omalegahie.

¹¹Tamakaila nagoatamimoya nayona ani avamete kefo ya nehageno Anumayatimoa Yisasi Kalaisi agiletiene Anumaya Koti Avamutetiene kefo yatamia ago aye hami-talegetama alu aotage veane maigeno Anumaya Koti aufina “Fatago veane mainae.” huno alino kanale hulamatene.

¹²“Mukia yama hisuna kavala kahe-okineanagita afaa hugahune.” huya nehayanagi nagaya mage huna nehue “Mukia yamoa laya ohutafa huno laya ohugahie. Mukia yana afaa hugahuanagi ani yamoa nofi hunate yafenagina nagaya ani kavala ohugahue.”

¹³“Anumaya Kotia kave nesunafene huno taipa talo huno nesuna kavela talo humaleneanagita afaa negahune.” huya nehayanagi Anumaya Kotia haenagaa kaveene taipaene alino fanane hugahie. Moli huliteta huta kumai hesunafene huno Anumaya Kotia veamogati laugafa talo ohunegi Anumayamoene ailokaeta mainesunageno ani laugafa agaia kava yagaisiafene huno talo hulatenea yafe moli huliteta huta kumai he kavala ohisune.

¹⁴Anumaya Kotia tokiyaaleti Yisasina fali-mainefitila alino hetiteneanagino tagayama falisunagenoa ania huno alino hetilategahie.

¹⁵Nagi ohavinao Kalaisienema mai hapaita mainonageno tagai taugafamoa Kalaisi aiya, aya, aulaga, agesa, kana huta mainone. Kalaisi augafa mainonagi hanaa huta Kalaisi augafa kumai nehaya anenena alita mai hapaisune? Aao ania ohisune.

¹⁶Anumaya Koti avopina mage huno kae-maleneane “Alavema mainaana nagoke anaugafa hane.” huno kae-maleneane. Naa humaineanagi nago kanomoa kumai nehea aene noma faeyana agaiene mai hapaiageno nagoke anaugafa kali-mainae. Ani yafena ohavinao?

¹⁷Nago anaugafa kali mainaanagi Anumayamoene mai hapaino mainea kanomoa nagopi maineana nagoke anamete mainae.

¹⁸Nagi kumai heyafena kolia hutama ohutafa hiho. Mukia kefo yamoa amega amaugafale yanagi kumai he yamoa alino vea amaugafafina haviya nehia yafena tusia koli hutama ani kavala ohutafa hiho.

¹⁹Anumaya Kotia agaia Alu Aotage Avamua ago tamamigeno tamakupina maineafe tamaugafamoa Avamumona nomaa haneanagino tamaugafa tamakaitami yana omalene. Ani kea ohavinao?

²⁰Anumaya Kotia ala miyateti tamakaila ago miya hulamateneafe tamaugafa kava yagaitama kanale auava yakeya hutama Anumaya Koti agia alisaga hiho.