1 KING TAUDIA 15:19-23

¹⁹“Ita ruaosi do ita maino karaia, lauegu tamana bona oiemu tamana hegeregerena. Mani oi itaia, inai siliva bona golo be oi dekenai lau siaia, idia be harihari gauna, oiemu. Mani emu kara, Israela ena king, Basa danu emui maino karaia, be do oi makohia, vadaeni ia ese iena tuari taudia egu tano dekena amo do ia abidia lou.”

²⁰King Benehadada ese king Asa ia kamonai henia, bona iena tuari biagudia mai edia tuari taudia danu ia siaia, Israela hanua haida idia tuari henia. Benehadada ese Iono, Dano, Abele Betemaka, Kineroto ena kahana ibounai bona Napatali tano ibounai ia halusia, bona ia abia.

²¹King Basa be inai sivarai ia kamonai, vadaeni Rama hagoadaia gaukara ia hadokoa, bona Tirisa hanua dekenai ia lao.

²²Unai neganai king Asa ese Iuda taudia ibounai ia taravatua, idia ta ta ibounai ese Rama dekenai idia noho nadi bona au, Basa ese ia haginia gaudia, do idia huaia lao siri. Vadaeni unai nadi bona au dekena amo king Asa ese Geba, Beniamina tano dekenai, bona Misipa, ia hagoadaia.

²³King Asa ena kara oredia, iena kara mai kwalimu danu, bona ia ese hanua haida ia hagoadaia, ena sivarai be Iuda Ena King Edia Sivarai Buka ena lalonai idia torea vadaeni. To Asa ia buruka neganai, iena aena hisihisi gorere ta ia davaria.