1 KING TAUDIA 15:10-15

¹⁰Asa be lagani 41 lalonai Ierusalema dekenai ia lohia. Iena tubuna hahine be Maka, Abesaloma ena tubuna.

¹¹Asa be Lohiabada ena vairanai kara maoromaoro ia karaia, Davida ese ia karaia hegeregerena.

¹²Lebulebu taudia, dirava koikoi edia tomadiho gabudia dekenai ariara tatau, bona ariara hahine, be Asa ese iena basileia dekena amo ia lulua ore. Bona king gunadia ese idia karaia kaivakuku be Asa ese ia kokia ore.

¹³Asa ese danu iena tubuna hahine Maka be kwini dagi dekena amo ia kokia, badina be ia ese Asera ena kaivakuku, lebulebu gauna, ia haginia. Asa ese unai kaivakuku ia utua diho, bona lahi dekenai ia gabua ore, Kiderona Koura dekenai.

¹⁴Ataiai tomadiho gabudia ibounai be Asa ese ia kokia lasi, to iena mauri dinadia ibounai lalonai ia ese Lohiabada ia badinaia noho momokani.

¹⁵Bona iena tamana ese Dirava dekenai ia hahelagaia gaudia, bona ia sibona Dirava dekenai ia hahelagaia gaudia, siliva, golo, bona herahera gaudia idauidau, be Asa ese Lohiabada ena Dubu Helaga lalonai ia atoa vareai.