1 ጴፂሮሳ ኪታ 1

1

2

3

4

5

¹ታኒ፥ ዬሱሲ ኪሪስቶሲ ኪቴዳ ጴፂሮሲ፥ ፆሳይ ዶሬዳ ኣሳቶ ጳንፆሳ ጋዲያን፥ ጋላቲያ ጋዲያን፥ ቃጳዶቂያ ጋዲያን፥ ኢሲያ ጋዲያኒኔ ቢታኒያ ጋዲያን ቤቲያን ዴዒያዋንቶ ዳቢዳቢያ ፃፋይ።

²ዬሱሲ ኪሪስቶሳው ሂንቴ ኣዛዜታና ማላኔ ኣ ሱꬃን ጌያና ማላ፥ ፆሳይ ኣዉ ዶሬዳ ሂንቴንቶ ባሬ ኣያናን ጌሼዳዋንቶ፥ ኣꬎ ኬካቴꬃይኔ ሳሮቴꬃይ ጊዶ።

³ኑኒ ፆሳ፥ ኑ ጎዳ ዬሱሲ ኪሪስቶሳ ኣዉዋ፥ ባሬ ማሮቴꬃ ዳሩዋዳንካ ኑና ላዔꬁዋ ዬሌዳዋ፥ ዬሱሲ ኪሪስቶሳ ሃዪቁዋፔ ዴንꬄዳዋን ኑሲ ዴዑዋ ሂዶታ ኢሜዳዋ ጋላቴቶ።

⁴ቃሲ ፆሳይ ሂንቴንቶ ኢማና ዳሮ ላታይ ዎቄናዌ፥ ባዬናዌኔ ꬋዬናዌ ሳሉዋን ናጌ።

⁵ሄዌካ ሂንቴንቱሲ፥ ፆሳ ዎልቃን ኣማኑዋን ናጌቲ ኡቲዴ፥ ኣቶቴꬃው ጊጌዳዋንቱሲ ዉርሴꬃ ዎዲያን ቆንጫናዋ።

⁶ሃዒ ጉꬃ ዎዴው ሃራይ ኣቶ ዱማ ዱማ ፓጪያን ሂንቴ ፓጬታናው ኮሾፔካ፥ ሃዋን ዳሮ ናሼቲቴ።

⁷ሄዌ ሃራይ ኣቶ፥ ታማን ዬጊና ꬋዪያ ዎርቃፔካ ሂንቴ ኣማኑ ዳሮ ኣልዖኔ ባሊ ባዪናዋ ጊዲያዋ ቤሳናሳ፤ ያቲዴ ዬሱሲ ኪሪስቶሲ ቤቲያ ዎዴ፥ ጋላታ፥ ቦንቹዋኔ ሳባ ሂንቴ ኣካና።

⁸ሂንቴ ኣ ኤራና ꬋዮፔካ፥ ሲቂታ፤ ሂንቴ ሃዒ ኣ ቤዓና ꬋዮፔካ፥ ኣማኒታ። ቃሲ ሂንቴ ሂንቴ ኣማኖ ፖሎ ጊዲያ ሂንቴ ሼምፑዋ ኣቶቴꬃ ኣኪያ ዲራው፥ ኦዳናው ዳንዳዬቴና ቦንቹ ኩሜዳ ናሼቻ ናሼቲታ።

¹⁰ፆሳይ ሂንቴንቶ ኢማና ኣꬎ ኬካቴꬃባው ቲምቢቲያ ኦዴዳ ናባቱ ሎይꬂ ቢዲዴ፥ ሃ ኣቶቴꬃባ ኮዬዲኖ።

¹¹ኡንቱንቱን ዴዒያ ኪሪስቶሳ ኣያናይ ኪሪስቶሳ ቱጋባኔ ሄዋፔ ጉዪያን ያና ቦንቹዋባ ካሴቲዴ ማርካቲዴ፥ ኣዉዴ ዎይ ዋኔዳ ዎዲያን ያኔንቶኔ ኣኬኪሴዳዋዳን፥ ኡንቱንቱ ኮዬዲኖ።

¹²ሄ ቲምቢቲያ ኦዲያዋንቱ ኦꬄዳ ኦሱ ሂንቴሳፔ ኣቲን፥ ኡንቱንቱ ሁጲያሳ ጊዴናዋ ፆሳይ ኡንቱንቶ ቆንጪሴዳ፤ ሃዒ ሂንቴ ሲሴዳ ሚሺራቹዋ ቃላ ሂንቴንቶ ኦዴዳ ኣሳቱ፥ ባሬው ሳሉዋፔ ኪቴቴዳ ጌሻ ኣያና ዎልቃን ኦዴዲኖ። ሄዋ ኪታንቻቱካ ቤዓናው ኣሞቲኖ።

¹³ሄዋ ዲራው፥ ኦሱዋ ኦꬃናው ሂንቴ ዎዛናን ቆፋ ጊጊሲዴ ሂንቴ ሁጲያ ናጊቴ። ዬሱሲ ኪሪስቶሲ ቆንጪያ ዎዴ ኣꬎ ኬካቴꬃ ሂንቴ ኣኪያ ዲራው፥ ኩሜንꬃ ሂዶታን ናጊቴ።

¹⁴ፆሳው ኣዛዜቲያ ናናዳን፤ ሂንቴ ካሴ ኤሬናን ኣሞቴዳ ኣሙዋ ካሎፒቴ።

¹⁵ሺን ሂንቴና ፄሴዳ ፆሳይ ጌሻ ጊዴዳዋዳን፥ ሂንቴካ ሂንቴ ኦሱዋ ኡባን ጌሻ ጊዲቴ። ፆሳ ማፃፋን፥ «ታኒ ጌሻ ጊዲያ ዲራው፥ ሂንቴካ ጌሻ ጊዲቴ» ጌቴቲዴ ፃፌቴዳ።

¹⁷ኣሳ ሁጲያን ሁጲያን ዴሙዋ ፄሌናን ኣ ኦሱዋዳን ፒርዲያ ፆሳ ዎሲዴ ሂንቴ፥ «ኑ ኣቦ» ጊዴ ኣ ፄሲያዋ ጊዶፔ፥ ሃ ኣላሚያን ቤቴ ጊዲዴ ሂንቴ ዴዒያ ዎዲያን ያሻቴꬃን ዴዒቴ።

¹⁸ሂንቴ ሂንቴ ኣዋቱዋፔ ላቴዳ ፓꬄና ዴዑዋፔ ዎዜቴዳዌ፥ ꬋዪያ ቢራ ዎይ ዎርቃ ማላና ጊዴናዋ ኤሪታ፤ ቦሪሲያባይ ዎይ ቂታይ ባዪና ዶርሳ ሱꬃዳን፥ ኣልዖ ኪሪስቶሳ ሱꬃን ሂንቴ ዎዜቴዲታ።

²⁰ፆሳይ ሳዓይ ሜꬌታናፔ ካሴ ኪሪስቶሳ ዶሪ ዎꬄዳ፤ ሺን ሂንቴ ዲራው፥ ሃ ዎዲያ ዉርሴꬃን ኢ ቤቴዳ።

²¹ሂንቴ ኣማኑኔ ሂንቴ ኣካና ጊዴ ናሼቻን ናጊ ኡቴዳባይ ፆሳን ዴዓና ማላ፥ ፆሳይ ሃዪቁዋፔ ኣ ዴንꬂዴ፥ ኣው ቦንቹዋ ኢሜዳዋ ኣኒ ኣማኒታ።

²²ቱማቴꬃው ሂንቴ ኣዛዜቲያዋን፥ ሎዓ ማላቲያ ኢታቴꬃይ ባዪናን ሂንቴ ኢሻቱዋ ሲቃናው ሂንቴ ሁጲያ ጌሺዴ፥ ኢቱ ኢቱዋና ሚኒሲዴ ዎዛናፔ ሲቄቲቴ።

²³ሂንቴ ሃዪቂያ ዜሬꬃፔ ላዔንꬁዋ ዬሌቲቤይኪታ፤ ሺን ሜꬊናው ዴዒያዋኔ ሲንꬃዉካ ዴዓና ፆሳ ቃላን ሃይቄና ዜሬꬃፔ ዬሌቴዲታ።

²⁴ኣዪሲ ጎፔ፥ ፆሳ ማፃፋይ፥ «ኣሳይ ኡባይ ማታ ማላ፤ ኣ ቦንቹ ኡባዪካ ማታ ጪሻ ማላ። ማታይ ሜሌ፤ ጪሻዪካ ቆቆፌቴ።

²⁵ሺን ጎዳ ቃላይ ሜꬊናው ዴዔ» ያጌ። ሃዌ ሂንቴንቶ ጎዳይ ኦዴዳ ሚሺራቹዋ ቃላ።