4ᤂᤧᤵᤔᤥ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ ᤁᤥ᤺ᤵᤔᤏᤠᤛᤡᤀᤠᤱ ᤂᤧᤱᤜᤠ᤹ ᤋᤢᤶᤔᤏᤠᤛᤡ ᤜᤧᤰᤁᤩᤠᤱ ᤕᤧᤳᤏᤠᤶ ᤌᤠᤖᤡᤰ ᤂᤧᤱᤜᤠ᤹ᤏᤢ ᤘᤠ᤹ᤔᤏᤠ॥ ᤂᤧᤱᤜᤠ᤹ᤖᤧ ᤛᤣᤛᤣᤔᤠᤱᤗᤠᤶ ᤐᤠᤘᤗᤧᤴ ᤕᤖᤢᤛᤗᤧᤶᤔᤥ ᤔᤧᤒᤣᤃᤧᤏᤧ᤹ ᤑᤠ᤹ᤀᤠᤱ ᤔᤧᤔᤧᤳᤋᤢᤖᤥ॥
5ᤁᤖ ᤂᤧᤴ ᤕᤧᤳᤏᤠᤶ ᤀᤣᤃᤠᤱ ᤂᤧᤱᤜᤠ᤹ᤏᤢ ᤛᤧ᤺ᤶᤏᤠᤀᤠᤱ ᤌᤠᤛᤡᤱᤶᤏᤠ॥ ᤁᤧᤖᤧᤰ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ ᤏᤢ ᤂᤢᤏᤡ᤹ ᤔᤣ᤺ᤳ ᤛᤠ᤺ᤜᤠ᤹ ᤀᤠᤏᤡᤃᤧ ᤛᤠ᤺ᤛᤧ ᤕᤧᤰᤕᤰ ᤗᤠ᤺ᤰᤁᤠᤳ ᤌᤠᤖᤡᤰ ᤔᤧᤓᤧᤖᤧᤀᤠᤱ ᤀᤠᤏᤡᤃᤧ ᤛᤥᤖᤡᤰ ᤘᤠᤜᤱᤅᤡᤸᤗᤧ ᤁᤢᤕᤠᤀᤥ ᤌᤢᤱᤒᤥᤜᤈ᤹ ᤕᤢᤱᤔᤏᤠᤖ ᤋᤢᤘᤠ ᤆᤥ᤺ᤰᤔᤏᤠᤖᤥ॥
6ᤛᤧᤶᤔᤢ᤹ᤀᤡ ᤆᤥ᤺ᤰᤔᤏᤠᤀᤠᤱ ᤀᤠᤏᤡᤃᤧ ᤘᤠᤗᤠᤎᤠᤀᤥ ᤗᤠᤛᤡᤃᤧᤀᤠᤱ ᤂᤧᤱᤜᤠ᤹ ᤂᤢᤏᤡ᤹ ᤜᤡᤶᤔᤥ ᤔᤧᤏᤢ᤺ᤰᤂᤧ ᤔᤧᤒᤣᤖᤥ॥
7ᤀᤠᤏᤡᤃᤧ ᤋᤠᤕᤖᤏᤢ ᤘᤠᤗᤠᤶᤍᤡ᤺ᤰ ᤆᤥ᤺ᤰᤔᤏᤠᤖ ᤋᤥᤗᤣᤔᤠᤀᤡᤛ ᤁᤧᤵᤔᤏᤠ॥ ᤂᤧᤵᤔᤥ ᤏᤛᤠᤏᤡᤒᤠᤜᤠ᤹ᤏᤢ ᤛᤣᤘᤠ ᤔ᤺ᤔᤏᤠᤀᤠᤱ ᤌᤡᤰᤕᤧᤴ ᤕᤠ᤺ᤰᤔᤏᤠ॥
8ᤁᤢᤍᤠ᤺ᤴᤍᤡᤰᤔᤠ ᤛᤡᤈᤖᤡ ᤁᤧᤵᤔᤏᤠᤀᤠᤱ ᤛᤢᤏᤠᤀᤡᤱᤄᤱ ᤀᤡᤱᤓᤴ ᤁᤧᤈᤥ᤺ᤰᤐᤠ ᤑᤡᤗᤡᤐᤖᤧ ᤁᤢᤜᤡᤶᤔᤥ ᤐᤣ᤺ᤰᤔᤏᤠᤖᤥ॥ ᤂᤢᤏᤧ᤹ᤀᤣ ᤕᤖᤢᤛᤗᤧᤶᤔᤥ ᤔᤣᤔᤣᤍᤢᤔᤠᤜᤠ᤹ ᤔᤠᤱᤛᤣᤘᤠ ᤕᤠ᤺ᤶᤒᤰᤁᤥ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤁᤢᤓᤠ᤹ ᤐᤡᤛᤧ ᤔᤧᤛᤣᤃᤢᤛᤡᤒᤠ ᤏᤢᤛᤡ ᤔᤏᤠᤜᤠ᤹ᤀᤥ ᤌᤡᤰ ᤘᤕᤧᤖᤥ॥
ᤛᤣ᤺ᤰᤕᤢᤰᤔᤡᤒᤠᤜᤠ᤹ 21
ᤛᤣ᤺ᤰᤕᤢᤰᤔᤡᤒᤠᤜᤠ᤹ 21:4-8