19ᤐᤠᤘᤗᤖᤧ ᤂᤧᤱᤜᤠ᤹ ᤁᤧᤖᤧᤰ ᤛᤣᤘᤠ ᤔᤧᤳᤋᤢᤛᤡᤀᤠᤱ ᤂᤢᤏᤧ᤹ ᤁᤢᤜᤢᤰᤁᤥᤗᤠᤶ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤥ ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤠ᤺ᤶᤒᤰ ᤆᤥᤃᤢ ᤁᤧᤗ᤹ᤒᤠ ᤁᤠᤰ ᤐᤠ᤺ᤴᤜᤠ᤹ ᤆᤧᤰᤋᤢᤛᤡᤖᤥ॥
20ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤔᤧᤄᤧᤵᤛᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤀᤰᤂᤣ ᤔᤧᤔᤧᤳᤋᤢ. “ᤏᤢᤛᤠ᤹ᤀᤣ. ᤀᤥᤔᤧᤳᤋᤧ᤹ᤏᤠ. ᤁᤵᤔᤥᤀᤠᤱ ᤕᤖᤡᤰ ᤜᤧᤴᤇᤡᤱ ᤕᤜᤢᤍᤡᤜᤠ᤹ᤖᤧ ᤕᤧᤛᤢ᤺ᤴ ᤏᤛᤠ᤺ᤴ ᤔᤧᤈᤥᤃᤢᤀᤠᤱ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ ᤔᤥᤛᤠᤖᤧ ᤛᤠᤵᤋᤢᤒᤠ ᤛᤠᤶᤕᤥᤌᤡᤶᤔᤡᤴ ᤀᤡ᤺ᤵᤔᤠ ᤏᤠ᤺ᤵᤔᤠ ᤂᤢᤏᤡ᤹ ᤛᤡᤰ ᤁᤧᤛᤶᤒᤠ ᤔᤧᤈᤥ᤺ᤰ॥
21ᤌᤡᤶᤔᤧᤴᤍᤱ ᤛᤢᤘᤠᤱᤗᤢᤶᤔᤥ ᤁᤧᤕᤢᤱᤒᤠ ᤕᤜᤢᤍᤡᤜᤠ᤹ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤡᤴ ᤗᤧᤵᤔᤠᤍᤣ᤺ᤔᤠ ᤜᤧᤰᤁᤩᤠᤱ ᤂᤢᤏᤡ᤹ ᤕᤧᤶᤒᤡᤳᤇᤠ᤹ᤛᤠ᤺ᤜᤠ᤹ᤀᤠᤱ ᤜᤷᤍᤥ ᤜᤧᤰᤔᤠ ᤐᤡᤔᤠᤛᤡ ᤔᤧ᤺ᤴ. ᤜᤧᤰᤁᤩᤠᤱ ᤀᤠᤏᤡ᤹ ᤕᤜᤢᤍᤡ ᤛᤠᤶᤕᤥᤌᤡᤶᤔᤠᤱ ᤏᤠ᤺ᤵᤔᤠ ᤔᤧ᤺ᤴ ᤗ᤹ᤖᤡᤰ ᤁᤧᤜᤢ᤹ᤖᤢᤛᤡᤖᤥ ᤑᤠ᤹ᤀᤠᤱ ᤂᤧᤏᤧ᤹ ᤁᤧᤕᤠ᤺ᤶᤒᤣᤀᤥ ᤂᤧᤱᤜᤠ᤹ᤖᤧ ᤔᤧᤄᤧᤵᤛᤢᤀᤠᤱ ᤔᤧᤘᤠ᤹ᤖᤥ॥
22ᤂᤧᤏᤧ᤹ ᤁᤵᤔᤥ ᤁᤧᤍᤩᤧᤀᤠᤱ ᤁᤧᤘᤠ᤹ᤒᤠ ᤐᤠ᤺ᤴᤏᤡᤴ ᤂᤧᤱᤜᤠ᤹ᤖᤧ ᤛᤧᤰᤂᤠᤛᤠᤱ ᤔᤧᤄᤧᤵᤛᤢ᤹॥ ᤀᤠᤸᤗ ᤌᤣ ᤆᤥ᤺ᤰᤔᤠᤒᤣ᥅
23ᤂᤧᤸᤗᤧ ᤆᤥᤃᤢᤸᤗᤧ ᤀᤠᤏᤡᤃᤧ ᤛᤢᤈᤠ ᤐᤡᤀᤠᤛᤡᤃᤧᤒᤠ ᤁᤢᤀᤡᤛᤡ᤺ᤰᤁᤣ ᤂᤧᤏᤧ᤹ ᤆᤥᤃᤧ᤹ᤀᤥ॥ ᤁᤵᤔᤥ ᤀᤠᤏᤡᤃᤧᤏᤢ ᤏᤡᤱᤘᤠ᤹ᤑᤢᤔᤠᤱᤅᤥ ᤔᤠᤱᤃᤧᤜᤧᤰᤛᤡᤱᤒᤠ ᤗᤡᤛᤡ ᤑᤢ᤹ᤏᤢᤛᤠ᤹ᤜᤠ᤹ ᤔᤧᤘᤠ᤹ᤖᤥ॥