19Paľikerďa lenge a chudľa lenge te vakerel avri savoro, so kerďa o Del maškar o Nažidi prekal le Pavloskeri služba.
20Sar oda on šunde, lašarenas le Devles a phende: “Dikhes phrala, hoj igen but Židi pačanďile a on savore hine oddine le Zakonoske.
21Pal tute pes došunde, hoj sikaves le Židen, save dživen maškar o Nažidi, hoj te oddžan le Mojžišostar, bo phenes lenge, hoj te na občhinen (obrezinen) le čhavoren a te na doľikeren o tradiciji.
22Akana, so kereha? Bo savore lendar pes došunena, hoj tu avľal.
23Ker oda, so tuke phenas: Hin amen štar murša, save dine lav le Devleske.