ᤛᤣ᤺ᤰᤕᤢᤰᤔᤡᤒᤠᤜᤠ᤹ 10:16-22

¹⁶ᤀᤰᤂᤣᤗ᤹ᤖᤡᤰ ᤁᤴ ᤛᤢᤶᤗᤧᤱ ᤌᤠᤖᤡᤰ ᤐᤥ᤺ᤰᤂᤧ. ᤜᤧᤰᤁᤩᤠᤱ ᤂᤧᤴ ᤁᤢᤛᤢᤱᤔᤧᤴ ᤕᤠᤱᤎᤥ ᤋᤠᤱᤛᤠᤰᤐᤥ ᤀᤢ᤺ᤰᤂᤧ ᤋᤣ᤹ᤖᤧᤖᤥ॥

¹⁷ᤜᤧᤰᤁᤩᤠᤱ ᤐᤋᤪᤢᤛᤖᤧ ᤁᤴ ᤛᤢᤑᤥ᤺ᤸᤗᤧ ᤁᤢᤒᤣ᤺ᤴ ᤌᤣᤀᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤗ ᤐᤳᤇᤧᤸᤗᤧ ᤁᤷᤏᤠᤗᤡᤕᤛᤖᤧ ᤐᤠᤱᤄᤢᤛᤡᤒᤠ ᤔᤏᤠᤜᤠ᤹ ᤛᤡᤔᤥᤏᤖᤧ ᤁᤢᤜᤡᤶᤔᤡᤴ ᤔᤧᤃᤥ᤺ᤳᤋᤢᤖ ᤗᤠᤶᤎᤣ᤺ᤵᤐᤥ ᤔᤧᤍᤩᤧᤖᤥ॥

¹⁸ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ. ᤛᤡᤔᤥᤏ ᤔᤧᤵᤔᤏᤠᤒᤠ ᤐᤋᤪᤢᤛᤧᤴ ᤁᤵᤔᤥ ᤘᤠ᤹ᤒᤡ ᤜᤥ᤺ᤵᤐᤡ ᤑᤠ᤹ᤀᤠᤱ ᤛᤣ᤺ᤴᤍᤥᤀᤡ ᤔᤧᤕᤧᤒᤧᤖᤥ॥

¹⁹ᤜᤧᤰᤁᤩᤠᤱ ᤐᤋᤪᤢᤛᤖᤧ ᤀᤠᤸᤗᤛᤠᤱ ᤁᤴ ᤛᤢᤑᤥᤀᤡᤴ ᤌᤣᤀᤡ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤐᤳᤇᤧᤸᤗᤧ ᤛᤣᤛᤣᤔᤠᤱᤅᤡᤸᤗᤧ ᤔᤧᤳᤋᤢ. “ᤛᤡᤔᤥᤏᤣ. ᤛᤢᤶᤛᤡ ᤔᤏᤠᤜᤠ᤹ ᤁᤧᤃᤥ᤺ᤳᤇᤧ ᤔᤧᤍᤩᤧᤀᤠᤱ ᤔᤧᤘᤠ᤹ᤖᤥ॥

²⁰ᤂᤧᤸᤗᤧ ᤆᤥᤃᤢᤸᤗᤧ ᤐᤥᤃᤧ᤹ᤀᤠᤱ ᤕᤥ ᤌᤩᤧ᤹. ᤜᤧᤰᤁᤩᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤛᤡ ᤑᤠ᤹ᤀᤠᤱ ᤆᤵᤆᤡ ᤔᤧᤴᤈᤥ᤺ᤰᤁᤣ ᤂᤧᤱᤜᤠ᤹ᤏᤢ ᤐᤣᤃᤧ᤹ᤀᤥ॥ ᤂᤧᤱᤜᤠ᤹ᤃ ᤀᤡᤱᤃᤠ᤹ᤀᤣ ᤐᤠᤱᤄᤢᤱᤛᤡᤱᤒᤠᤖᤥ॥”

²¹ᤜᤧᤰᤁᤣ᤺ᤸᤗᤧ ᤐᤋᤪᤢᤛᤧᤴ ᤕᤥ ᤌᤩᤧᤀᤠᤱ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤧᤃᤥ᤺ᤳᤋᤢᤶᤒᤠ ᤔᤏᤠ᤺ᤱᤃ ᤀᤡᤱᤃᤠ᤹ᤀᤣᤖᤥ॥ ᤌᤣᤀᤠᤱ ᤁᤵᤔᤥ ᤁᤧᤍᤩᤧ᤹ᤀᤡᤒᤠᤒᤣ᥅”

²²ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤀᤠᤏᤡᤃᤧᤃ ᤁᤷᤏᤠᤗᤡᤕᤛ ᤔᤧᤵᤔᤏᤠᤒᤠ ᤌᤰᤋᤢᤶᤒᤧᤸᤗᤧ ᤕᤠᤵᤔᤡ ᤐᤠᤱᤄᤧᤒᤠᤖᤥ॥ ᤂᤢᤏᤧ᤹ᤃ ᤛᤠᤶᤕᤥᤏᤡᤒᤠ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤁᤧᤃᤡᤒᤠ ᤔᤏᤠ ᤏᤢ ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ᤃ ᤛᤠ᤹ᤖᤡᤰᤁᤣ ᤔᤡᤱᤛᤥ ᤀᤡᤱᤎᤠ᤺ᤱ ᤔᤧᤒᤡᤖᤢᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠᤱᤄᤢᤒᤠ ᤛᤣᤛᤣ ᤔᤠᤱᤗᤠᤀᤡᤱᤒᤠᤎᤡᤰᤗᤧ ᤂᤧᤏᤧ᤹ ᤁᤢᤜᤡᤶᤔᤥ ᤀᤢ᤺ᤵᤔᤠᤀᤠᤱ ᤂᤧᤏᤧ᤹ᤗᤠᤶ ᤐᤠ᤺ᤵᤔᤠ ᤁᤧᤃᤳᤋᤢᤒᤠ ᤐᤠ᤺ᤴᤜᤠ᤹ ᤂᤧᤶᤔᤠ ᤑᤠ᤹ᤀᤠᤱ ᤂᤢᤏᤧ᤹ ᤔᤧᤳᤋᤢᤖᤥ॥”