HECHOS 10:16-22

¹⁶Ino yune ndaconan ndihchero ye vederihno me. Tuhme conda̱ tino me cua̱hn na̱n ro.

¹⁷Nahmin che a̱ma rendedecadino Pedro deh conahn vederihno me ne, sa̱hn che dechuh Cornelio ne, a nda̱ se chendevah, retumerune se ti che va̱co Simón.

¹⁸Tuhme tumerune se a min quenan a̱ma ihyan che duche ye Simón che namin duche ye Pedro.

¹⁹Rendedecadino ca Pedro yahn vederihno me cuahn che ya̱hve Vaco Ndah yahn Dendiohs ihyan: ―Nda̱ ino se, rinuhn se di.

²⁰Cuenchehn, ne cuehn nduco se. Dehve rahque, te u dechúh sa̱hn.

²¹Tuhme cuenchahn Pedro cua̱hn na̱n che vatendi sa̱hn che dechuh Cornelio, ne ra̱hn ye ri ye sa̱hn: ―U che rinuhn nchuhn. ¿Deh ntiyon cochi ne ne?

²²Ndahconan sa̱hn chahn: ―Huate, capitá̱n Cornelio dechuh ye nuhn. Ihyan min ne, a̱ma ndah ihyan ye, ne rendeva ye yavena̱n Dendiohs. Nducoya̱ca ihyan nación yahn Israel ne, yahino ye ihyan. Ra̱hn a̱ma ángel yahn Dendiohs ri ye ihyan che dechuh ye chehua ndih, ca̱va che ca̱hn ne ndeva̱co ye, cahnevan ye deh che va che ca̱hma ne co ne ihyan.