ᤖᤥᤔᤡ 3:8-13

⁸ᤏᤢ᤺ᤒᤠ ᤐᤠ᤺ᤴ ᤗ᤺ᤴᤗ ᤑᤠ᤹ᤀᤠᤱ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤆᤥᤃᤢᤶ ᤗ᤹ᤖᤡᤰ ᤀᤠᤏᤡᤃᤧ ᤐᤠ᤺ᤳᤋᤢᤶᤒᤧ᤹ᤔᤢ ᤑᤠ᤹ᤀᤠᤱ ᤁᤢᤓᤠ ᤔᤏᤠᤜᤠ᤹ᤖᤧ ᤐᤠ᤺ᤴ ᤔᤧᤎᤡᤰᤋᤡᤃᤧ᤹ᤖᤥ॥ ᤜᤧᤰᤁᤣ ᤁᤧᤒᤠ᤺ᤵᤐᤠᤜᤠ᤹ ᤀᤠᤵᤋᤡᤰ ᤁᤢ᤺ᤵᤔᤠ ᤗᤠ᤹ᤖᤢᤛᤡᤖᤥ॥

⁹ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤕᤜᤢᤍᤡᤜᤠ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤏᤢ᤺ᤸᤗᤧ ᤏᤢ᤺ᤒᤠ ᤀᤠᤈᤥ᤺ᤰᤐᤡ᥅ ᤛᤧᤰᤂᤠᤛᤠᤱ ᤀᤠᤴᤈᤥ᤺ᤰᤏᤧᤴᤗᤥ᥄ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤀᤠᤱ ᤗᤠᤕᤥ᤺ᤸᤗᤧ ᤋᤧᤳᤋᤢᤛᤡᤀᤠᤱ ᤘᤠ᤹ ᤑᤠ᤹ᤀᤠᤱ ᤔᤧᤳᤋᤢᤱ ᤛᤢᤖᤢᤱᤛᤡᤱᤅᤠᤱ ᤘᤠ᤹ᤖᤥ॥

¹⁰ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤛᤠᤶᤕᤥᤏᤡᤒᤠ ᤜᤠ᤺ᤳᤋᤠᤱ ᤜᤥ᤺ᤵᤗᤥ. ᤗᤳᤌᤡᤰᤁᤠᤱ ᤜᤥ᤺ᤵᤗᤥ॥

¹¹ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤠᤛᤡᤱ ᤁᤧᤏᤡ᤺ᤵᤐᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤃᤥ᤺ᤵᤐᤠ ᤜᤠ᤺ᤳᤋᤠᤱ ᤜᤥ᤺ᤵᤗᤥ॥

¹²ᤁᤧᤖᤧᤰᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤗᤧᤖᤢ ᤔᤧᤍᤣ᤺ᤛᤢᤀᤠᤱ ᤌᤣᤏᤠᤎᤣᤒᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤘᤠ᤹ᤖᤥ॥ ᤏᤢ᤺ᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤜᤠ᤺ᤳᤋᤠᤱ ᤜᤥ᤺ᤵᤗᤥ. ᤗᤳᤌᤡᤰᤁᤠᤱ ᤜᤥ᤺ᤵᤗᤥ॥”

¹³“ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤛᤢᤳᤗᤠ᤺ᤱᤃ ᤜᤱᤒᤧᤳ ᤁᤧᤒᤵᤐᤠ ᤀᤡᤵᤐᤢᤱᤅᤥᤗᤠᤶ ᤁᤧᤗ᤺ᤶᤒᤠ ᤏᤠᤶᤃᤧᤛᤢᤒᤠ ᤁᤢᤏᤠᤶ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥ ᤂᤧᤱᤜᤠ᤹ ᤀᤡᤱᤗᤧᤰᤗᤰ ᤔᤧᤒᤠ᤺ᤳᤗᤥ॥” “ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤁᤠᤰ ᤐᤠ᤺ᤴᤏᤡᤱᤃ ᤀᤛᤣ᤺ᤰᤐᤠᤸᤗᤧ ᤁᤢᤏᤡᤱᤅᤡᤴ ᤜᤧᤰᤋᤱᤒᤠ ᤆᤥ᤺ᤰᤗᤥ॥”