ᤕᤢᤜᤢᤴᤏᤠ 6:52-57

⁵²ᤜᤧᤰᤁᤩᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤕᤜᤢᤍᤡᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤂᤢᤏᤡ᤹ ᤗᤢᤶᤔᤥ “ᤁᤴ ᤔᤏᤠ᤺ᤸᤗᤧ ᤀᤠᤰᤂᤣᤗ᤹ᤖᤡᤰᤁᤠᤱ ᤏᤠᤛᤡᤱᤃᤧᤴ ᤁᤢᤎᤰᤁᤡᤴ ᤆᤠᤔᤠ ᤑᤠ᤹ᤀᤠᤱ ᤐᤡᤔᤠ ᤀᤠᤛᤢᤰᤐᤠᤒᤣ᥅” ᤔᤧᤒᤠ᤺ᤳᤋᤢᤖ ᤐᤠ᤺ᤴᤎᤱ ᤆᤥ᤺ᤰᤔᤠ ᤔᤧᤜᤣ᤺ᤰᤋᤧᤖᤥ॥

⁵³ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤔᤧᤴᤇᤠᤶᤛᤠ᤺ᤸᤗᤧ ᤁᤢᤎᤰᤁᤡᤴ ᤔᤧᤴᤈᤠᤀᤣ ᤏᤢ ᤁᤢᤔᤠᤰᤂᤡ᤹ᤀᤡᤴ ᤔᤧᤴᤎᤢᤱᤅᤣ ᤌᤠᤖᤡᤰ ᤂᤡᤏᤡ᤹ᤀᤥ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤔᤧᤘᤠ᤹ᤏᤧᤴᤗᤥ॥

⁵⁴ᤁᤖ ᤀᤡᤱᤃᤠ᤹ ᤀᤠᤎᤰᤁᤡᤴ ᤁᤧᤈᤠᤒᤠ ᤏᤢ ᤀᤠᤔᤠᤰᤂᤡ᤹ ᤁᤧᤎᤢᤱᤒᤠᤸᤗᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤡᤴ ᤁᤳᤋᤢ᤹ᤖᤥ॥ ᤜᤧᤰᤁᤩᤠᤱ ᤂᤧᤴ ᤁᤢᤏᤢᤵᤔᤠ ᤕᤧᤴᤏᤥ ᤀᤡᤱᤃᤠ᤹ ᤁᤢᤜᤡᤱᤘᤧᤳ ᤆᤥᤃᤢᤱᤗᤥ॥

⁵⁵ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤎᤰᤁᤡᤴ ᤜᤧᤰᤁᤩᤠᤱ ᤀᤠᤔᤠᤰᤂᤡ᤹ᤀᤡᤴ ᤛᤧᤰᤂᤠᤒᤠ ᤆᤠᤔᤠ ᤌᤢᤱᤔᤠ ᤆᤠᤖᤥ॥

⁵⁶ᤀᤡᤱᤃᤠ᤹ ᤀᤠᤎᤰᤁᤡᤴ ᤁᤧᤈᤠᤒᤠᤴ ᤏᤢ ᤀᤠᤔᤠᤰᤂᤡ᤹ ᤁᤧᤎᤢᤱᤒᤠᤴ ᤀᤡᤱᤃᤠ᤹ᤀᤥ ᤘᤠ᤹ ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤢᤏᤧ᤹ᤀᤥ ᤘᤠ᤹ᤀᤠᤖᤥ॥

⁵⁷ᤜᤡᤱᤔᤴᤍᤠᤱᤒᤠ ᤐᤠᤏᤢᤍᤡᤱ ᤐᤠ᤺ᤸᤗᤧ ᤀᤡᤱᤃᤠ᤹ ᤐᤠᤱᤄᤠᤱ ᤜᤧᤰᤁᤩᤠᤱ ᤂᤢᤏᤧ᤹ ᤆᤥᤃᤢᤸᤗᤧ ᤜᤡᤱᤅᤠᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤀᤠᤎᤰᤁᤡᤴ ᤁᤧᤈᤠᤒᤠᤴᤏᤠᤱ ᤀᤡᤱᤃᤠ᤹ ᤆᤥᤃᤢᤱᤅᤡᤸᤗᤧ ᤜᤡᤱᤗᤥ॥