ᤕᤢᤜᤢᤴᤏᤠ 4:30-35

³⁰ᤜᤧᤰᤁᤩᤠᤱ ᤂᤧᤴ ᤔᤏᤠᤜᤠ᤹ ᤐᤠᤱᤈᤢᤶᤔᤥᤗᤠᤶ ᤔᤧᤗ᤺ᤴᤍᤧᤀᤠᤱ ᤕᤧᤛᤢ᤺ᤴ ᤘᤕᤧᤒᤠ ᤋᤧᤴᤏᤥ ᤔᤧᤒᤣᤖᤥ॥

³¹ᤀᤠᤸᤗ ᤜᤢ᤹ᤛᤠᤶᤒᤠᤜᤠ᤹ᤖᤧ ᤕᤧᤛᤢ᤺ᤴ “‘ᤛᤡᤰᤛᤠᤶᤒᤣ. ᤆᤠ ᤆᤧ᤹ᤀᤥ’” ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢ॥

³²ᤁᤖ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤁᤳᤋᤢᤱᤒᤠ ᤀᤠᤈᤠᤔᤠ ᤆᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤡᤏᤡ᤹ ᤌᤣᤀᤠᤱ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤗᤥ॥”

³³ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤀᤠᤒᤠᤅᤣ ᤛᤣ᤺ᤴᤔᤧᤍᤥ᤺ᤛᤡᤱ. “ᤔᤧ᤺ᤶᤒᤧ. ᤂᤢᤏᤧ᤹ ᤜᤠ᤺ᤳᤗᤧ ᤁᤢᤈᤠ ᤜᤢ᤹ᤖᤢᤒᤣ᥅”

³⁴ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤕᤠᤵᤔᤡ ᤁᤧᤒᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤆᤥ᤺ᤰᤔᤠ ᤏᤢ ᤁᤢᤕᤠ᤺ᤶᤒᤰ ᤆᤥ᤺ᤰᤔᤠ ᤛᤢ᤺ᤵᤔᤠᤴᤏᤣ ᤀᤡᤱᤃᤠ᤹ ᤀᤠᤈᤠᤔᤠ ᤆᤠᤖᤥ॥

³⁵ᤂᤡᤏᤡ᤹ ᤀᤰᤂᤣᤗ᤹ᤖᤡᤰ ᤁᤧᤒᤠ᤺ᤳᤋᤢᤶ. ‘ᤀᤠᤸᤗ ᤗᤠ ᤗᤡᤛᤡ ᤀᤣᤃᤠᤱ ᤆᤠᤛᤢᤶᤔᤠ ᤕᤧᤶᤔᤡᤴ ᤋᤠ᤺ᤖᤥ॥’ ᤁᤖ ᤀᤡᤱᤃᤠ᤹ ᤔᤧᤳᤏᤡᤱ. ‘ᤂᤡᤏᤡ᤹ ᤔᤡᤰ ᤜᤴᤍᤧᤶᤔᤧ᤹ᤀᤠᤱ ᤀᤥᤔ᤺ᤕᤧᤶᤔᤧ᤹. ᤁᤠᤰ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤥ ᤆᤠ ᤋᤢᤶᤛᤧᤀᤠᤱ ᤆᤠᤛᤢᤶᤔᤠ ᤕᤧᤶᤔᤡᤴ ᤋᤩᤧ ᤆᤢᤖᤧᤀᤠᤱ ᤘᤠ᤹ᤖᤥ॥’