SAN JUAN 4:30-35

³⁰Chaymi llapan runa Jesúsman aywaran.

³¹Manaraj ćhayaptillan, purïshijnincuna Jesústa niran: «Tayta, micucurcuy, ari.»

³²Jesúsna niran: «Micuynï caycan. Jamcunam ichanga mana tantiyanquichu.»

³³Purïshijnincunana quiquin-pura tapunacuran: «¿Piraj micuyta apapämusha?» nir.

³⁴Jesúsna niran: «Tayta Diosninchi caćhamasha. Chaymi shungun munashanta ruraptï, paćhäpis mana yarganchu. Paypa shiminta ćharcur, sumaj cushicü.

³⁵Rimaypis purin: ‹Murushanchipita ćhuscu quillataräshi micuy pugun› nir. Chaypis micuy jarwaraycan. Mä, sumaj ricaćhacuriy. May-may runacuna caycan.