ᤕᤢᤜᤢᤴᤏᤠ 21:18-22

¹⁸ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤧ᤹. ᤌᤠᤱᤒᤧᤴ ᤁᤧᤘᤕᤧᤸᤗᤧ ᤀᤠᤒᤠᤅᤣ ᤑ᤹ᤀᤡ ᤁᤧᤕᤢᤵᤛᤡᤱᤅᤠᤱ ᤀᤠᤳᤋᤠᤴ ᤐᤣ᤺ᤰᤔᤠ ᤏᤡᤱᤘᤠ᤹ ᤁᤧᤈᤥᤃᤢ ᤂᤧᤵᤔᤥᤀᤣ ᤁᤧᤒᤣᤖᤥ. ᤁᤖ ᤁᤠᤵᤐᤥᤒᤠ ᤁᤧᤍᤢᤶᤔᤠᤱᤃ ᤁᤧᤜᤢᤰᤜᤠ᤹ ᤁᤧᤛᤴᤇᤢ᤹. ᤜᤧᤰᤁᤩᤠᤱ ᤑ᤹ᤀᤡ ᤁᤧᤶᤕᤢᤵᤐᤠᤱ ᤀᤠᤳᤋᤠᤴ ᤐᤣ᤺ᤰᤔᤠ ᤁᤧᤛᤡᤖᤠ᤹ ᤔᤧᤎᤠᤱᤏᤧᤴ ᤂᤧᤵᤔᤥ ᤁᤧᤶᤍᤣ᤹ᤖᤥ॥”

¹⁹ᤕᤧᤛᤢᤖᤧ ᤀᤰᤂᤣ ᤔᤧᤳᤋᤢᤖ ᤐᤋᤪᤢᤛᤧᤴ ᤁᤧᤍᤠ᤺ᤒᤠ ᤕᤧᤶᤔᤥ ᤀᤠᤳᤋᤡᤴ ᤐᤖᤡᤰᤗᤧᤴ ᤛᤡ᤺ᤔᤧᤴᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤡᤔᤡᤍᤡᤱ ᤆᤥᤃᤢ᤹ ᤑᤠ᤹ᤀᤠᤱ ᤀᤥᤛᤣ᤺ᤴᤎᤠᤰᤋᤢᤀᤠᤱ ᤘᤕᤧᤖᤥ॥ ᤜᤧᤰᤁᤩᤠᤱ ᤍᤠᤱᤒᤠᤸᤗᤧ ᤐᤋᤪᤢᤛᤧᤴ ᤔᤧᤳᤋᤢ. “ᤀᤡᤱᤃᤠ᤹ ᤋᤡ᤺ᤰᤋᤠᤱᤅᤧ᤹ᤀᤥ᥄”

²⁰ᤐᤋᤪᤢᤛᤧᤴ ᤜᤡᤸᤗᤡᤰ ᤜᤡᤛᤡᤱᤅᤡᤸᤗᤧ ᤕᤧᤛᤢᤖᤧ ᤗᤢᤱᤔᤠ᤹ ᤋᤢᤰᤋᤢᤒᤠ ᤁᤢᤜᤢ᤹ᤛᤠᤶᤒᤧᤸᤗᤧ ᤋᤡᤶᤍᤢᤒᤠ ᤏᤡ᤺ᤛᤢᤖᤥ॥ (ᤛᤠᤓᤠᤱᤈᤠ ᤔᤧᤈ᤺ᤸᤗᤧ ᤒᤠ ᤂᤧᤴ ᤜᤢ᤹ᤛᤠᤶᤒᤠᤸᤗᤧ ᤕᤧᤛᤢᤖᤧ ᤁᤢᤒᤣᤛᤠᤱ ᤏᤠ᤺ᤶᤛᤡᤱᤗ ᤕᤢᤅᤧᤸᤗᤧ ᤍᤠᤱᤒᤣ. ᤜᤠ᤺ᤳᤗᤧ ᤀᤡᤱᤃᤧᤗᤧᤰᤐᤣ ᤗ᤹ᤖᤡᤰ ᤛᤣ᤺ᤴᤍᤥᤛᤢᤀᤠᤱ ᤘᤕᤧᤖᤥ)

²¹ᤐᤋᤪᤢᤛᤖᤧ ᤂᤧᤴ ᤏᤡ᤺ᤛᤢᤀᤠᤱ ᤍᤠᤱᤒᤠᤴ ᤛᤣ᤺ᤴᤍᤥᤛᤢ. “ᤍᤠᤱᤒᤣ. ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤌᤣ ᤐᤥ᤺ᤱᤒᤠᤒᤣ᥅”

²²ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤀᤡᤱᤃᤠ᤹ ᤏᤢ᤺ᤱᤅᤠᤖ ᤌᤠᤖᤡᤰ ᤂᤢᤏᤧ᤹ ᤜᤡᤱᤅᤠᤱ ᤘᤠ᤹ᤖ ᤐᤠ᤺ᤵᤔᤠ ᤏᤡᤱᤘᤠ᤹ ᤆᤥᤃᤢᤱᤅᤡᤸᤗᤧ ᤂᤧᤏᤧ᤹ ᤌᤧᤔᤠ ᤐᤥ᤺ᤱᤒᤣ᥅ ᤀᤡᤱᤃᤠ᤹ ᤋᤡ᤺ᤰᤋᤠᤱᤅᤧ᤹ᤀᤥ॥”